Henri Çili: Opozita e re është legale, por jo përfaqësuese

Themeluesi i Gazetës Liberale, Henri Çili të mërkurën deklaroi se opozita e re është legale, por jo përfaqësuese.

I ftuar në studion e lajmeve të RTV Ora, tha se kemi tre parti zyrtare që i votoi populli me 47 për qind të votave, të cilat kanë dalë nga sistemi, ndërsa opozita tjetër është legale, por jo përfaqësuese.

Çili: Kolegu im Ervis Iljazaj kishte bërë një editorial sot, ku tempi i tij ishte që as mazhoranca dhe as opozita nuk është ajo e 25 qershorit. Kemi bërë një palë zgjedhje me 25 qershor, të cilat janë zhbërë, si në krahun e opozitës dhe si në krahun e qeverisë. Kemi dy partitë opozitare që i votoi populli si opozitë me 47 për qind të votave. Por, PD dhe LSI kanë dalë nga sistemi, ndërsa opozita tjetër është legale por jo përfaqësuese. Thjesht janë hapur disa vende pune. Nga ana tjetër, kemi një kryeministër i cili ka braktisur figurat me të cilat fitoi në zgjedhjet e qershorit. Kurse sot kemi disa ministra të rinj të cilët nuk dihet se nga vijnë. I vetmi që kemi nga 25 qershori, është vetëm Edi Rama. Atëherë pse duhet ta mbajmë 25 qershorin, t’a ritestojmë edhe njëherë. Aktorët vetë e kanë zhbërë 25 qershorin.