Vjen “Galaxy Note 10”, Samsung vë theksin te kamera. Konkurron ashpër Huawei

Samsung ka prezantuar versionin e ri të Galaxy Note këtë javë, me një rrjet të shpejtë 5G dhe karakteristika të reja të kamerës, me shpresën që të ndalojë rënien e fitimeve dhe të lë pas rivalin Huawei.

Samsung ka qenë një nga përfituesit më të mëdhenj nga problemet e Huawei, ndërkohë që shitjet e smartphonave u rritën me 7% pasi Huawei humbi pjesë tregu prej sanksioneve amerikane. Duke vënë theksin te përmirësimi i karakteristikave të kamerës, Samsung shpreson që Note 10 t’i pëlqejë fansave në YouTube dhe mediat sociale.

Samsung prezantoi paralelisht edhe telefonin e parë të palosshëm.  Note  10 është produkti më i rëndësishëm i gjigantit korean për të rritur shitjet në gjysmën e dytë të vitit.  Note 10, me dy përmasa ekranesh, një në 6.3 inch(16 cm) dhe tjetri në 6.8 inch (17.2 cm),  përmban efekte të përditësuara të videove si “argumentet reality”  dhe stabilizues, si dhe një kamera të përparme të vendosur në mes të pjesës së sipërme të ekranit, për të kapur “selfie” më të mira.

Telefonit i mungon foleja e kufjeve,  diçka që Apple ka bërë 3 vite më parë. Çmimi i Note 10 do të nisë nga 949.9 dollarë, ndërsa versioni i madh Note 10 plus, në 1,099 dollarë.  Modeli Note 10 me kapacitetin 5G, do të nisë nga 1,299 dollarë.   Telefoni do të dalë në  shitje nga data 23 Gusht.