Rama: Betejën po e fitojmë, asnjë shtet s’ka bërë më shumë se ne

“Jo rastësisht Shqipëria renditet mes vendeve me plagët më të lehta krahasura me shumë vende të tjera. Shqipëria nuk ka kujt ti ketë zili. Do ta fitojmë edhe betejën në frontin e ekonomisë, natyrisht me stres. Por padiskutim do ti fitojmë të dyja betejat”

Nga foltorja e Kuvendit kryeministri Edi Rama u shpreh se Shqipëria ka arritur të fitojë fazën e parë e përballjes me koronavirusin.

Rama theksoi se asnjë shtet në botë nuk ka bërë më shumë se Shqipëria. Po ashtu, kryeministri u shpreh i bindur se do t’i fitojnë të dyja betejat, atë shëndetësore dhe ekonomike.

“Jo rastësisht Shqipëria renditet mes vendeve me plagët më të lehta krahasura me shumë vende të tjera. Shqipëria nuk ka kujt ti ketë zili. Do ta fitojmë edhe betejën në frontin e ekonomisë, natyrisht me stres. Por padiskutim do ti fitojmë të dyja betejat”, tha Rama mes të tjerash.

Pjesë nga fjala e kryeministrit Rama:

Të dëgjosh lloj lloj dëngalsh që faktisht janë të mirëkuptushme kur vijnë nga njerëz të zakonshëm të cilët duke mos e përjetuar tragjedinë përveçse nga ekranet e tv përjetojnë stresin, pasigurinë, ankthin e dëmit mbi ekonominë. Por është anormale që dënglat ti dëgjosh nga njerëz që kanë mikrofon, kamera, kanë një zë që shkon përtej zërit të një njeriu të zakonshëm.

Ndërsa projeksionet tona sikur masat të mos imponuar nga shumica e shqiptarëve flisnin për 2800 të vdekur. Ky është fakti. Nuk ka asnjë argument dhe asnjë arsye mbi baza të qëndrueshme logjike që mund të hedhë poshtë fakin se Shqipëria ia ka dalë drejt fazës së parë të përballjes me këtë armik.

Në kushtet e stresit dhe mungesës së durimit për tu informuar drejt nga burime zyrtare ka hapësirë edhe për teoritë e konspiracionit dhe mbi fantazitë mbi një komplot të madh botëror. Por e vërteta është se ne jemi këtu sëbashku me të gjithë botën. Edhe OBSH është shfaqur më shumë se një herë kontradiktore me vetveten. Një përballje që ka gjetur botën në befasi. Unë di të them dhe di ta faktoj që asnjë vend, në glob nuk ka bërë asgjë më shumë sesa kemi bërë ne. Dhe jo rastësisht Shqipëria renditet mes vendeve me plagët më të lehta krahasura me shumë vende të tjera. Shqipëria nuk ka kujt ti ketë zili. Do ta fitojmë edhe betejën në frontin e ekonomisë, natyrisht me stres. Por padiskutim do ti fitojmë të dyja betejat.