Të punosh nga shtëpia, ja arsyet pse një ide e tillë duhet mbështetur

Fleksibiliteti rrit produktivitetin dhe ul nivelin e stresit dhe kjo gjë është e vërtetuar shkencërisht.

Për dekada të tëra është diskutuar fakti nëse punonjësit duhet të lejohen që të punojnë nga shtëpia apo jo dhe nëse një gjë e tillë ndikonte në lumturinë e tyre dhe mbi të gjitha, në rritjen e rendimentit. Ndërsa të tjerë e shikojnë të punuarit nga shtëpia si parimisht të suksesshme, por pa rezultat sepse mundësitë për t’u shpërqendruar dhe për t’u marrë me gjëra të tjera që nuk kanë lidhje me punën janë të shumta. Pra një çështje e tillë i ka të dyja anët e medaljes.

Më poshtë do të lexoni disa këshilla të cilat e përkrahin teorinë se të punuarit nga shtëpia ndikon në rritjen e rendimentit:

Punonjës më të lumtur

Sipas një sondazhi të kryer nga Global Workplace Analytics, në një grup prej  1,500 punonjësish, 37 për qind e tyre do të kursenin më shumë po të punonin nga shtëpia dhe ishin dakord që më mirë të punonin nga shtëpia sesa të përfitonin rritje rroge.

Ndikimi i drejtpërdrejtë në mjedis

Nëse punonjësit do të punonin nga shtëpia, avantazhi më i madh do të ishte zvogëlimi i letrave që harxhohen për të bërë prezantime, raporte apo analiza të ndryshme, sepse komunikimi do të bëhej me e-mail dhe me telefon.

Më pak stres

Në ditët e sotme, stresi që shkaktohet në ambientet e punës po shtohet gjithnjë e më shumë, dhe kjo gjë është kthyer në një problem shumë të rëndësishëm. Prandaj të punuarit nga shtëpia mbase është zgjidhja e duhur. Duke shmangur stresin dhe lodhjen mendore të shkaktuar në ambientet e punës, të punuarit nga shtëpia do të ndikonte në rritje të produktivitetit sepse punonjësit do të ishin më të qetë.

Ndihmesë shumë e madhe

Edhe pse nuk është gjëja e duhur, në ditët e sotme një pjesë e madhe njerëzish merren me shumë gjëra njëkohësisht. Puna, fëmijët, familja, probleme të ndryshme, etj., prandaj të punuarit nga shtëpia është një ndihmesë shumë e madhe për këdo, sepse nëse arrin të përfundosh shpejt një detyrë të caktuar, mund të marrësh fëmijët nga shkolla, etj. Pra të punuarit nga shtëpia ndihmon shumë edhe në balancimin e mirë të jetës profesionale me atë personale.