Më 4 prill të këtij viti, Banka Qëndrore Europiane do të hedhë në qarkullim kartmonedhën e re 50 euro. Kjo ka ardhur në kuadër të nismës për t’i bërë më të sigurta kartmonedhat europiane.

“Kartmonedha e re 50€ do ta bëjë akoma më të sigurt monedhën tonë. Siguria e saj është shumë e lartë dhe ky është fryt i impenjimit tonë të vazhdueshëm për të arritur stabilitetin e euros, pasi janë 338 milionë njerëz që janë përdorues të përditshëm të kësaj monedhe. Ne duam të krijojmë një sistem pagesazh të sigurt dhe efiçent dhe një monedhë e sigurt e mundëson këtë”, ka thënë Yves Mersch, anëtar i komitetit ekzekutiv të Bankës Qëndrore Europiane.

Ndër kartmonedhat europiane, ajo 50 euroshe është më e përdorura, duke arritur 45% të qarkullimit. Numri i këtyre kartmonedhave në përdorim është i njëjtë me atë të lëshuar në vitin 2002, kur edhe u krijua euro.

Kjo kartmonedhë e re është pjesë e nismës “Europa”, e cila përtej elementëve të sigurisë, synon të përfshijë në kartmonedha edhe më shumë motive të kulturës së përbashkët europiane