Debatoj edhe me ministrat e LSI!

Një bilanc të qeverisjes në koalicion me PS-në, deputetja e LSI-së Monika Kryemadhi e sheh pozitiv. A ka gabuar LSI-ja gjatë qeverisjes? Kryemadhi thotë se nuk e sheh diçka të tillë. Madje ajo thekson se “LSI nuk ka premtuar 300 mijë vende pune”, – duke ju referuar këtu premtimit të kryeministrit Rama.

“Sigurisht ne bëmë aq sa kishim mundësi. Shpresoj të realizohen deri në datën e zgjedhjeve dhe po s’u realizuan duhet thënë pse”, tha ajo.

E pyetur nëse LSI po bën opozitë duke evidentuar se cfarë nuk ka shkuar mirë gjatë qeverisjes, Kryemadhi argumenton se “opozitë nuk është të shprehurit e një mendimi ndryshe. “Nuk është keq t’i thuash gjërat siç janë”, shton ajo.

Deputetja e LSI-së thotë se nëse nuk japin rezultate të prekshme për qytetarët, reformat kthehen në pseudo-reforma duke ju referuar qarkut të Elbasanit, konkretisht Prrenjasit ku banorët ende vuanin mungesën e ujit.

E pyetur për mendimin e saj nëse opozita do të marrë pjesë në zgjedhjet e 18 qershorit,. Kryemadhi thotë se cdo forcë politike duhet të ketë programin e saj dhe të përballet me votuesit.

“Ne flasim për koalicione, por koalicionet janë bishta matematikore. Koalicioni më i madh për mua është që partitë qoftë të majta dhe të djathta do të përballen për votuesin. Koalicioni është thjesht votat e një partie t’i llogariten një partie tjetër”, pohoi deputetja e LSI-së.

Ndërsa sa i përket të ardhmes së koalicionit mes PS-së dhe LSI-së, Kryemadhi jep këtë përgjigje: “Po ta kapësh me debatet, unë kam më shumë debate me ministrat e LSI. Unë nuk i shikoj politike por në aspektin se sa ky problem shkon tek qytetari”.

 Intervista ne “Kjo Jave” ne News 24

Ju keni thënë “Në Prrenjas gjendja e mjerueshme, ndërkohë merren me pseudo-reforma”…

Kryemadhi: Unë jam deleguar për tre qarqe, Tiranë, Lezhë, Elbasan. Te i Elbasanit jam fokusuar më shumë se e njoh më pak. Isha atje, dhe kryetarja e Bashkisë së Prrenjasit, një nga problemet më të mëdha që ndjen është mungesa e investimeve. Atje diskutohej prej vitesh mungesa e ujit të pijshëm. Dua të them që s’mund ta mohoj dot që zonat malore janë të varfra. Nuk dua të dal gënjeshtare. Për pseudo-reformat them që ato duhet të japin produktivitet, por në një kohë të caktuara ato kthehen në pseudoreforma. Kush pretendon se ne jetojmë në parajsë, nuk është normale.

Komenti i Taulant Ballës: Sa kohë që Monika kritikon dhe dikasteret që drejtohen nga vetë LSI-ja, kjo është gjë e mirë. PS po punon për çdo gjë që zgjedhjet të bëhen të lira….

Kryemadhi: Me Taulantin jam më shumë mike se me shumë kolegë të tjerë. Po unë prap i qëndroj deklaratave të mia, kudo ku ka shkelje në çdo sektor.

Është ironike deklarata e tij? Kryemadhi: Nuk e di por ne jemi parti tolerante me mendime të kundërta që i diskutojmë. Nëse në një parti nuk ka mendime të ndryshme, do të jetë fatkeqe.

LSI po bën opozitën në parlament në vend të PD-së?

Kryemadhi: Nuk mendoj se nëse kemi një mendim ndryshe, është opozitë. Nuk është keq t’i thuash gjërat siç janë. Mënyra e të bërit politikë ndonjëherë na ka lënë mbrapa. Sa më shumë të fokusohemi tek problematikat, aq më shumë i largohemi demagogjisë.

A ndieni rivalitet me zonjën Kodheli?

 Kryemadhi: Në proceset zgjedhore nuk më interesojnë personat që kam përballë. Unë dua të shkoj tek njerëzit. Ne e kemi politizuar procesin dhe njerëzit janë fokusuar tek partia dhe jo individi, çfarë përfaqëson.

Cili është mendimi personal për Kodhelin

 Kryemadhi: Unë e kam mike zonjën Kodheli. Kemi qenë dhe në fushatën e 2013-ës bashkë. Kanë qenë edhe zgjedhjet lokale për kreun e bashkisë së Lezhës. Bashkëpunimi ka qenë shumë i mirë.

Çfarë bilanci bëni në afrim të 1 prillit?

Kryemadhi: Bilancin e shoh pozitiv jo negativ të jem e sinqertë. Ndoshta nuk mund të kalkuloj shumë gjëra, sigurisht ka edhe probleme.

Pavarësisht pozicionimeve, deklaratave, LSI i ka qëndruar korrekte marrëveshjes me PS dhe me qytetarët. Sigurisht me luhatjet e veta për problematika të ndryshme. LSI ka qenë prezente në çdo problematikë. Ne e kemi dhënë votën tonë pavarësisht kundërshtimeve dhe amendamenteve. Nëse ta kemi dhënë votën për arsimin e lartë ta kemi dhënë me kushtin që pastaj të miratoheshin aktet nënligjore. Kanë kaluar 2 vjet dhe aktet nënligjore nuk janë miratuar. Po të pyesësh Ilir Metën mund të flasë ndryshe, është çështje këndvështrimi. Unë nuk kam qenë pjesë e marrëveshjes.

Ku ka gabuar LSI?

 Kryemadhi: Nuk e shoh që LSI ka gabuar politikisht. LSI ka devizën e saj shumë të qartë. E shikoj LSI-në koherente edhe konsistente. Ne nuk premtuam 300 mijë vende pune, sigurisht ne bëmë aq sa kishim mundësi. Shpresoj të realizohen deri në datën e zgjedhjeve dhe po s’u realizuan duhet thënë pse.

Opozita thotë nuk ka zgjedhje, si mendoni se do jetë 18 qershori?

 Kryemadhi: Ne flasim për koalicione, por koalicionet janë bishta matematikore. Për mua është e rëndësishme pozicionimi i partive në programet e tyre dhe përballja e tyre me votuesin. Koalicioni më i madh për mua është që partitë qoftë të majta dhe të djathta do të përballen për votuesin. Koalicioni është thjesht votat e një partie t’i llogariten një partie tjetër.

Ju personalisht mendoni se duhet të ketë një koalicion tjetër PS-LSI? Kryemadhi: Nuk kam idenë se si është bërë e para. Ne vazhdojmë të jemi në koalicion. Po ta kapësh me debatet, unë kam më shumë debate me ministrat e LSI. Unë nuk i shikoj politike por në aspektin se sa ky problem shkon tek qytetari. Unë e mendoj si do të përballem nesër me elektoratin.