Sot janë emra të rëndësishëm të futbollit botëror, por kur kanë qenë në moshë të vogël  janë refuzuar nga disa klube të rëndësishme.

Pa dyshim që klubet që i kanë lënë të lirë janë penduar shumë pë vendimet e marra ndërsa mes tyre ka dhe lojtarë të cilët kanë qenë më të mirët në botë në kohëra të ndryshme.

Mario Baloteli-Barcelona

Familja e tij i siguroi një provë tek Barcelona në qershor të 2006, por pavarësisht se gjatë periudhës së provës shënoi 5 gola, cilësitë e tij nuk u pëlqyen nga drejtuesit e klubit.

Marcus Rashford-Man.City

Antoine Griezmann-Lyon

Kur ishte i ri në moshë, Griezmann mori shumë refuzime nga disa klube me rradhë në Francë si Sosho, Okser, St.Etiene si dhe Lion. Sigurisht që këto klube janë penduar tashmë për vendimet e atyre viteve.

Diego Costa-Corinthias, Palmeiras, Santos

Ai nuk arriti të bëhet pjese e asnjë prej këtyre akademive të famshme në Brazil dhe kjo ndoshta jo për mungesë të talentit të tij por për gabime të klubeve. Megjithatë, karriera e tij ndryshoi në moshën 15 vjeçare, kur u pikas nga superagjenti Jorge Mendez i cili i siguroi një kontratë tek Braga në Portugali.

Roy Keane-Brighton

Ai u refuzua nga Brighton sepse ishte trupvogël, por menjëherë shkoi në provë tek Nottingham Forest ku firmosi me këtë klub dhe në të ardhmen u bë kapiteni legjendar i Man.Utd.

Ruud Gullit-Arsenal

Në moshën 19-vjeçare ai ofrua tek Arsenal, por trajneri Terry Neill e refuzoi marrëveshjen pasi sipas tij nuk mund të justifikonte 300.000 paundët që do të shpenzoheshin për të. Por vite më vonë Neill tha se të gjithë e kanë bërë nga një gafë në karrierë, ndërsa unë e  kam bërë me Gullit.

Luke Shaw-Chelsea

Ai ka qenë një tifoz i Chelsea në fëmijëri, por klubi londinez nuk e pranoi as në akademinë e tij. Pas këtij refuzimi ai shkoi tek Southampton deri në vitin 2014 ku dhe u shit tek Man.Utd për 35 milionë euro.

Javier Zanetti-Indipendente

Kur ishte në moshën e adoleshencës, drejtuesit e klubit i thanë se nuk kishte fizikun e nevojshëm për të vazhduar futbollin por karriera e tij ishte brilante deri në moshën 39 vjeç ku dhe luajti gati 600 ndeshje me Interin duke fituar çdo trofe me këtë klub.

Franco Baresi-Inter

Nëse nuk do të kishin pasur dyshime drejtuesit e Interit për ta lënë të lirë të largohej pasi sipas tyre aftësitë e Baresit ishin të limituara për tu bërë një lojtar për skuadrën e parë, ai nuk do të ish bërë lojtari i shekullit të kaluar për rivalët e qytetit, Milan, të cilët e afruan sapo u largua nga Inter.

Harry Kane-Arsenal

Kane luajti për 4 vjet me akademinë e Arsenal. Në 2015, Arsene Wenger e pranoi se kishte gabuar duke lënë të lirë Kane të largohej.

Ronaldo-Flamengo

Kur ishte 14 vjeç, ai u refuzua nga klubi i zemrës Flamengo për tu bashkuar me këtë ekip dhe shkoi tek Cruzeiro ku shënoi 44 gola në 44 ndeshje dhe duke u bërë një ndër golshënuesit më të mirë të këtij klubi.