Instituti i Gjeoshkencave ka tashmë edhe një hartë për zonat me më shumë rrisk për tu prekur nga tërmetet ndër të cilat listohet Shkodra Elbasani dhe Fieri, ndërsa sipas shefit të Departamentit të Sizmiologjisë tërmeti i një javë me parë është shënuar në një zonë jashtë kësaj liste.

Peshkopia, Pogradeci, Shkodra, Fieri e Elbasani janë ndër qytetet që kanë aktivitet sizmiologjik më të lartë në vendin tonë. Drejtori i Departamentit të Sizmiologjisë pranë Institutit të Gjeoshkencave, Rexhep Koçi, duke ju referuar një studimi të Institutit të Sizmiologjisë shton se Shqipëria si vend me aktivitet të lartë sizmiologjik preket çdo ditë nga tërmete, por jo të gjithë janë aq të fortë sa të ndjehen nga njerëzit.

Aktiviteti sizmik më i dendur është vërejtur në disa zona të cilat dy janë më të mëdhaja, që shtrihet njëri nga pjesa veriore e Shqipërisë duke ndjekur të gjithë krahun perëndimor deri në jug që ne e quajmë brezi adriatiko-jonian dhe brezi tjetër lindor Peshkopi, Pogradec, Korçë. Por edhe një brez tjetër që quhet brezi i tërthorë që zë fill nga Vlora, Fieri, Elbasani, në Peshkopi dhe jashtë territorit tonë.

Sipas Koçit, njerëzit mund të ndjejnë vetëm tërmetet që janë mbi 3 ballë të shkallës Rihter.

“Shpesh herë territori i Shqipërisë goditet nga tërmete që shpesh njerëzit nuk arrijnë ti përceptojnë, janë tërmete me magnitutë nën 3 që është vështirë ti perceptojnë” është shprehur Koçi.

Tërmeti i fundit i shkallës 5.2 Rihter që goditi një javë më parë vendin sipas të dhënave nuk ishte shënuar në një nga zonat e cilësuara me rrezik.

Tërmet i fundit ra në një zonë që nuk është e shquar për ndonjë aktivitet të lartë sizmik por nuk është e thënë që në ato zona që është diktuar ndonjë tërmet të dallueshëm deri tani nuk preken nga tërmetet. Sipas të gjitha studimeve, tërmetet nuk mund të parashikohen por vetëm të regjistrohen kur ndodhin dhe të gjenden të dhënat e sakta të tyre