Sipas të dhënave që vijnë nga mediat turke, pas numërimit të 98% të votave të referendumit Erdogan ka një avantazh prej 51% përkundrejt votës kundër referendumit që ka 49% të votave.

Ende pa mbaruar procesi opozita ka deklaruar se do të ankimojë rreth 37% të votave të cilat ajo pretendon se janë manipuluar.

Vota pro referendumit ka mbizotëruar në qendrën gjeografike të Turqisë, ndërkohë që rajonet e detit Egje dhe juglindja me shumicë kurde kanë dhënë një votë të madhe kundër.

Mesa duket Erdogani ka arritur të sigurojë mbështetjen në referendum për të pasur një pushtet autoritar me të drejtë emërimi të akademikëve, gjyqtarëve dhe ushtarakëve si dhe me të drejta të zgjeruara për shpërndarjen e parlamentit apo vendosjen e vetos pa limit përkundrejt legjislativit.

Këtë të diel Turqia shndërrohet nga një Republikë Parlamentare në një Republikë Presidenciale. Republikë Presidenciale kjo e ngjashme me modelin e Putin dhe jo me atë amerikan apo francez.