Familjet më të pushtetshme të të gjitha kohërave

1. ROTHSCHILD, Bankierë

(1744- ) Brenda pak vitesh, Rothschild-ët kaluan nga getoja e hebrenjve në Frankfurt, Gjermani, duke akumuluar një pasuri aq të madhe, sa të industrializonin Europën dhe të financonin luftëra.

2. MEDICI, Bankierë

(Shekujt XV-XVIII) Financues të Papatit, gjithashtu ishin edhe politikanë e padronë. Patën një rol të rëndësishëm në Rilindjen italiane dhe kontribuan për të bërë Firencen, qendrën artistike që admirojmë edhe sot.

3. NEHRU-GANDHI, Politikanë

(1919- ) Prej kohësh anëtarë të Kongresit Kombëtar Indian, çliruan Indinë nga anglezët dhe i dhanë vendit tre kryeministra. Disa anëtarë të kësaj familjeje janë vrarë.

4. ROCKEFELLER, Biznesi i naftës

(1870- ) Shumë të pasur falë nxjerrjes së naftës, ishin filantropë të mëdhenj që mbështetën kulturën dhe kërkimin shkencor. Kreu i familjes ishte Uilliam Avery Rockerfeller, druvar dhe nëpunës udhëtues.

5. FUGGER, Bankierë

(Shekujt XV-XVI)  Ishte familja më e rëndësishme e sipërmarrësve, mes Mesjetës së Vonë dhe fillimit të epokës moderne. Kishin monopolin e bakrit dhe lidhën kontrata me shtete të ndryshme europiane.

6. KRUPP, Biznesi i çelikut dhe armëve

(Shekujt XIX-XX) Dinasti gjermane manjatësh të prodhimit të çelikut. Me fabrikat e tyre influencuan disa luftëra. Disa pjesëtarë të familjes Krupp, u dënuan për krime kundër njerëzimit pas luftës.

7. BORGHESE, Tregtarë leshi

(Shekujt XVI-XIX)  Familje tregtarësh, kreu i familjes ishte një tregtar leshi i shekullit XIII, Tiezzo da Monticiano. Zotëronin shumë toka dhe lidhje të ngushta me Papatin dhe me Napoleonin.

8. KENNEDY, Politikanë

(Shekulli XX) – Amerikanë me origjinë irlandeze. Patriarku ishte Patrick J. Kennedy i Partisë Demokratike. Mes anëtarëve të saj, më të famshmit ishin presidenti John F. Kennedy dhe senatorët Bob dhe Ted Kennedy.

9. EPHRUSSI, Biznesi i naftës

(Shekujt XIX-XX) Ukrainas me origjinë greke, kontrollonin drithërat dhe naftën në Europën Lindore. Krijuan banka por, duke qenë hebrenj, humbën pothuaj gjithçka me ardhjen e nazizmit.

10. VANDERBILT, Transporte

(Shekujt XIX-XX) – Patriarku amerikan me origjinë holandeze Cornelius Vanderbilt, krijoi një perandori të transportit hekurudhor dhe transportit detar.