Pse ndihemi të përgjumur kur sëmuremi

Ndodh shpesh që kur sëmuresh të mos kesh dëshirë të hash apo të levizësh, gjithçka do të bësh është të flesh. Mendohet se kjo ndjenjë dobësie vjen si pasojë e harxhimit të energjisë nga organizmi për luftimin e infeksionit.

Megjithatë, një studim i ri tregon se e gjithë kjo ndodh për shkak të lëshimit të një substance kimike që prek aktivitetin e qelizave të sistemit nervor. Shkencëtarët në universitetin e Pensilvanisë studiuan sistemin e thjeshtë nervor të krimbave të rrumbullakët, parazitë që gjenden kryesisht në fytin e njeriut për të demostruar se si një qelizë e vetme mund të ndryshojë tërësisht përgjigjen e organizmit ndaj sëmundjes.

Kërkuesit zbuluan te paraziti një qelizë të quajtur Acidi Alpha-Lipoic (ALA), që lëshontë një sërë substancash kimike që dërgojnë sinjale në neuronet e trurit. Substanca kryesore kimike e çliruar, FLP-13 shkakton përgjumje duke ulur aktivitetin e qelizave të sistemit nervor që ndihmojnë mbajtjen zgjuar të organizmit.