Kryesore
‘Gorillat’ e Erdoganit rrahin kurdët… në derën e Shtëpisë së Bardhë
(KUJDES! PAMJE SHQETËSUESE +18)
Dëshmitarët thanë se, truprojat e Erdoganit kanë dhunuar disa protestues përpara ambasadës turke në SHBA.
Protestuesit mbanin flamuj të partisë siriano-kurde. Sipas të dhënave të para, nëntë persona janë plagosur. Një prej tyre në gjendje të rëndë.
Në media, takimi mes Presidentit amerikan, Donald Trump dhe atij turk, Recep Taip Erdogan u quajt i suksesshëm dhe më shumë se miqësor.
Pak metra larg shtëpisë së bardhë, një grup protestuesish kurdë ishin mbledhur kundër Erdoganit dhe me pankarta në duar kundërshtonin politikat e tij ndaj kurdëve në Turqi, Siri dhe Irak.
Përballë tyre ndodheshin mbështetësit dhe truprojet e Presidentit Erdogan, që janë ndjerë të provokuar. Kaq ka mjaftuar që ata t’u vërsulen duke rrahur të tubuarit dhe autoriteteve amerikane u janë dashur dhjetra minuta që të qetësojnë situatën.
Në spital përfunduan disa protestues kurdë, fatmirësisht asnjëri në rrezik për jetën, ndërkohë që policia amerikane ka prangosur disa persona të përfshirë në këtë incident.
Përfaqësuesit e komunitetit kurd në Shtetet e Bashkuara e dënuan aktin.
“Kur Recep Taip Erdogan i bën këtë në Shtetet e Bashkuara, imagjinoni dhunën që ushtrohet ndaj kurdëve në Turqi”, thonë ata.
Vazhdo leximin
Duhet të jeni i kyçur në mënyrë që të mund të lini një koment Kyçu