Ish zv.kryeministri i vendit në qeverinë Berisha, Ilir Rusmali ka reaguar në lidhje me humbjen e thellë të Lulzim Bashës dhe Republikës së re të tij në këto zgjedhje.

Konkretisht i pyetur për rezultatin e zgjedhjeve në Lezhë, Rusmali ka thënë, “Analiza është vështirë të bëhet vetëm në kontekst lokal. Përveç impaktit të listave është impakti i partisë. Impakti politik që jep një parti politike është në ofertën nacionale. Lulzim Basha nuk pati ofertë politike. Bashkohem me analizën e shumë të tjerëve që kërkon përgjegjësinë tek marrëveshja. Marrëveshja e 18 majit u konsiderua masivisht si okultë. Gabimi i madh qëndron se Basha nuk shpjegoi kurrë kush ishin qëllimet e marrëveshjes, konteksti dhe përfitimet e opozitës nga marrëveshja. Bashkimi i të majtes me të djathten u përceptua masivisht si e papërballueshme nga shqiptarët. Rama doli i fituar nga marrëveshja dhe ai u përqendrua thjesht me shpjegimin me role erotike. Marrëveshja ishte gjëma e Bashës. Nëse njeriu në politikë nënshkruan marrëveshje historike dhe merr dështime historike duhet t’i nënshtrohet pasojave historike.