Fushatën për postin e kryetarit të PD, kandidati Eduard Selami e vijoi në Patos, Mallkastër, Roskovec dhe Lushnje.

Duke analizuar shkaqet e humbjes së PD në zgjedhjet e 25 Qershorit, Selami tha se humbja e ka zanafillën më të hershme dhe së fundmi pati shmangie të konsiderueshme nga sistemi i vlerave, meritokracisë, konkurencës  dhe rregullave brenda partisë.

“Demokratët janë qytetarë të angazhuar por ata u shpërfillën dhe nuk u dëgjuan. Ne duhet t’i kthejmë njëri-tjetrit besimin, duhet t’i kthehemi vlerave të lirisë, e më pas tia rikthejmë ato, të gjithë shqiptarëve”, tha zoti Selami.

Sipas tij humbja në 25 Qershor ishte refuzim i shpiptarëve ndaj lidershipit të Bashës.

“Ne duheti t’i rikthejmë demokracinë e brendshme PD-së, funksionimin demokratik, dhe duhet që të prezantojmë brenda forcës sonë politike një frymë të re, e cila duhet të inspirojë jo vetëm demokratët, por dhe të përcillet për gjithë Shqipërinë. Ne duhet të rrezatojmë shpresë për shqiptarët. PD që në vitin 92 ka qenë forca më promotore e zhvillimit dhe ajo duhet  të kthehet alternativa më e mirë për progresin e shqiptarëve”.

Kandidati Selami tha se së bashku me demokratët, seksionet dhe anëtarësinë do të punojë me një platformë bashkimi dhe jo përcarje, për të kthyer besimin te PD dhe te vlerat e demokracisë.

“Një anëtar një votë, me këtë rrugë do të zgjidhet cdo përfaqësues karriere në parti dhe në pushtetin e të gjitha niveleve, Parlament, ministra, bashki dhe në çdo perfaqësim pushteti. Po të më votoni, secili prej jush do te jetë pjesë e vendimmarjes në respekt të frymës së fushatës për postin e kryetarit të PD”, tha Selami.

Selami ka treguar se katër vite më parë Lulzim Basha i ka propozuar postin e nënkryetarit të partisë, por ai e ka refuzuar. I ftuar në emisionin “Kapital” në Vizion Plus, Selami thekson se modeli i Bashës ka dështuar dhe është vjetruar.

“Nuk eshte sulm ndaj Bashes. Modeli i Bashes deshtoi, eshte i kapercyer dhe model i vjeteruar. Ne politike dhe ne shoqeri te rrezon gjithe te tjeret. Basha e ka futur lidershipin e tij ne modelin e vjeteruar. Por s’do te thote qe Basha nuk ka vlere ne PD. E kam refuzuar Bashen per postin e nenkryetarin e partise kater vite me pare. Une nuk pranoj asnje post te emeruar nga kryetari, pa voten e strukturave me votim te fshehte”, u shpreh Selami.

Kandidati për kryetar në PD, thotë se Sali Berisha tashmë ka shprehur preferencën e tij në favor të Bashës, edhe pse në takimin që ka pasur me të, ai kishte premtuar neutralitet.