Një debat ka shpërthyer në rrjetet sociale, pas tezës së Mustafa Nanos se Vojsava, nëna e Skënderbeut ishte sllave.

Avokati, Spartak Ngjela në një reagim dje e quajti Nanon, injorant dhe torrollak të paguar nga serbët.

Mustafa Nano i ka kthyer përgjigje duke e quajtur Ngjelën një idiot dhe të sëmurë.

Debati vijon të jetë interesant dhe nuk do ishte aspak çudi që të pasurohej në ditët në vijim me reagime të njëpasnjëshme të Ngjelës dhe Nanos.

Reagimi i Ngjelës:

 Kundërpërgjigja e Nanos:

Jam pa fjalë. Nuk po kuptoj asgjë. Kjo është një çmenduri që  ndodh në Shqipëri, e në vende që qeverisen mbi bazën e sheriatit. Pas kësaj histerie, po pres të më lëshojnë një fatva.Nëse ky nuk është rasti i Skënderbeut, është rasti i shqiptarëve të tjerë të asaj kohe, është rasti i Balshajve që i kanë preferuar ca si shpesh martesat me ‘shkjetë’. Duhet të themi që Balshajt janë maskarenjtë më të mëdhenj të historisë sonë? Duhet të themi se ata i kanë hedhur baltë vetes, si ajo balta që unë më i ligu i shqiptarëve, i paskam hedhur Skënderbeut duke e bërë me nënë serbe?

Jam i shokuar që njerëz publikë në vitin 2017, siç e thashë, i zë tartakuti prej fjalës ‘sllav’, që lëndohen kur u vihet në diskutim pastërtia e supozuar racore e një personazhi historik. Më janë dukur si të sëmurë mendorë. Për të mos folur pastaj për atë idiotin që nuk e pati për gjë të më bënte islamik të paguar”,-tha Nano për Panoramën.