Ftohje apo grip? Cili është ndryshimi?

Me uljen e temperaturave, i hapim “derën” edhe gripit, i cili shkaktohet nga virusi i familjes orthomyxoviridae.

Gripi është një sëmundje sezonale dhe kap më shumë të moshuarit dhe fëmijët.

Megjithatë, shpesh gripi ngatërrohet me ftohjen, por është shumë e rëndësishme që të bëjmë dallimin e tyre, në mënyrë që të përdorim mjekimin e duhur për rastin përkatës.

Por, ku qëndron ndryshimi mes ftohjes dhe gripit?

Nëse jeni ftohur, ju do të keni një temperaturë normale, ndërsa nëse keni grip, do të keni temperaturë të lartë.

Teshtima është më e shpeshtë te ftohjet se sa te gripi. Nëse jeni ftohur, kolla juaj do të jetë e thatë dhe e butë, ndërsa në rast se keni gripi, ju do të keni një kollë të rëndë.

Nëse ju po kaloni një grip, do të keni këputje ekstreme, ndërsa në rast se jeni ftohur, energjia juaj do të jetë njësoj.

Një ndryshim tjetër është jetëgjatësia, ku gripi zgjat disa javë, ndërsa simptomat e të ftohtit zgjasin 7-10 ditë.