Një video e presidentit turk, Recep Tayyip Erdogan po bën xhiron e rrjetit.
Gjatë një kongresi të partisë së tij në një provincë jugore, Erdogan bëri thirrje që i gjithë kombi të jetë gati për mobilizim.
Teksa po fliste, ai pikasi në sallë një vajzë të vogël, të veshur me uniformën e forcave speciale të ushtrisë.
Ai e ftoi në skenën vajzën e vogël, e cila nisi të përlotej.
Teksa i kërkoi që të mos qante, Erdogan i tha: “Nëse ajo martirizohet, ne do e mbulojmë me flamur”.
“Ajo është gati për gjithçka, apo jo?” iu drejtua presidenti.
“Po”, tha vajza e vogël.
Ndërkohë salla nisi të thërriste: “Shef, na dërgo në Afrin”.
Audienca i referohej një enklave në veri të Sirisë, nën kontrollin e forcave kurde.
Turqit kanë nisur një operacion ushtarak kundër kurdëve në këtë zonë.
