Ka ndërruar jetë dy ditë më parë, politikania e njohur e Iranit, Marzieh Rezaei.
Marzieh Rezaei, anëtare e Këshillit Qendror të Organizatës Popullore të Mojahedin të Iranit (PMOI / MEK), vdiq mëngjesin e 4 majit, në Shqipëri pas një lufte të gjatë kundër kancerit. E lindur në vitin 1968 në familjen e famshme Rezaei, që ka humbur shumë anëtarë në luftën e iranianëve për liri, Marzieh u njoh dhe u përkushtua për organizatën që në moshë të re.
Prej vitesh Rezaei ka luftuar kundër sundimit fetar në Iran, gjithashtu ka qenë edhe liderja e organizatës Muxhahedinët e Iranit, një organizatë me qëllim përmbysjen e qeverisë iraniane. Maryam Rajavi, presidenti i zgjedhur i Rezistencës iraniane, shprehu ngushëllimet për të gjithë anëtarët e PMOI/MEK dhe familjen heroike Rezaei, veçanërisht për nënën e saj.
Në kampin Ashraf, ish-qendra e organizatës që drejtonte politikania e njohur iraniane, u krye një sulm i tmerrshëm, ku 52 veta u vranë brutalisht. Pas krimit të tmerrshëm në 1 shtator 2013, ajo, së bashku me qindra anëtarë të tjerë të PMOI dhe përkrahës nga e gjithë bota mbajtën grevë për 92 ditë.
Anëtarët e fundit të kampit u nisën për në Tiranë në shtatorin e vitit 2016.
Duhet të jeni i kyçur në mënyrë që të mund të lini një koment Kyçu