Miliarderi amerikan, George Soros, tha se ish-presidenti amerikan, Barack Obama, ishte “zhgënjimi më i madh” i tij, gjatë një interviste të gjatë për “The New York Times” botuar të martën, teksa dha përshtypjen se po distancohej nga politikat partizane.
Donatori i pasur liberal, i cili njihet si mbështetës i hershëm i ish-presidentit Obama në garën e tij presidenciale në vitin 2008, tha për “The Times” se Obama “është me të vërtetë zhgënjimi im më i madh”, përpara se të sqaronte se ishte i pakënaqur më shumë në planin profesional, sesa me presidencën e tij.
Në një pjesë tjetër të intervistës, ai i tha gazetës se Obama “mbylli derën” për të, pasi siguroi presidencën.
“Ai më mori në telefon për të më falenderuar për mbështetjen time dhe telefonata do zgjaste rreth pesë minuta, por më pas unë e ngacmova në bisedë dhe më pas ai telefonata u zgjat edhe për 3 minuta të tjera, kështu që ia dola mbanë ta mbaja për 8 minuta në telefon” – tha Soros.
Soros i tha gazetës se shpresonte që Obama ta konsultonte për çështjet ekonomike dhe financiare dhe se Obama njihej si person që ndihmën e të tjerëve e merrte si detyrim ndaj tij dhe se i linte pas dore ata.
Soros, i cili gjithashtu derdhi miliona dollarë në garën presidenciale të kandidates tjetër demokrate, Hillary Clinton, në zgjedhjet e vitit 2016, nuk rrëfeu nëse do e mbështeste senatorin demokrat Bernie Sanders, në zgjedhjet e ardhshme presidenciale, por tha se kur vjen puna tek politika “nuk dua të jem domosdoshmërish demokrat”.
Gjatë intervistës, Soros, vlerësoi senatorin e Arizonës, John McCain dhe tha se përparësia kryesore e aktivizmit të tij politik ishte të nxiste raportet bipartizane – duke vënë në dukje se republikanët e së djathtës ekstreme, e kishin detyruar që të bëhej financues i demoratëve.
Por, ndërsa demokratët i kanë drejtuar sytë nga muaji nëntor ku do kërkojnë të fitojnë zgjedhjet afatmesme për të rifituar kontrollin e Dhomës së Përfaqësuesve, qëllimi afatgjatë i demokratëve është fitimi i zgjedhjevce presidenciale në vitin 2020, ku Soros do të japë mbështetjen e tij financiare.
Soros ka paguar 15 milionë dollarë për të mbështetur demokratët në zgjedhjet afatmesme dhe tha për gazetën se për çdo mbështetës të Donald Trumpit, do ketë më shumë se “se një armik të Trumpit, që do të jetë më i përqendruar, më i vendosur”.
Kur u pyet se ku e gjen ideologjinë e tij politike, Soros i tha “The Times”: “Unë jam kundër së majtës ekstreme”.
“Ajo duhet të ndalojë, në mënyrë që të mos i mbajë në lojë ekstremistët në të djathtë”.
Burimi Foxnews
*Intervistën e plotë të George Soros për New York Times mund ta lexoni këtu.
Duhet të jeni i kyçur në mënyrë që të mund të lini një koment Kyçu