Pse ish-ministri nuk e pëlqen bustin e Pjetër Arbnorit (FOTO)

Ish-ministri i Drejtësisë, Manjani, ka shprehur pakënaqësinë e tij për bustin e ish-deputetit të PD-së, Pjetër Arbnori, që u përuruar sëfundmi

Manjani shkruan se busti jo vetëm që nuk i ka tiparet e Arbnorit por ngjason më shumë me një lugat.

Më tej ai shkruan se ky është përçudnimi i tyre i Ramës në oborrin e parlamentit, pas përmendores së Fan Nolit.

Busti është punuar nga skultori shkodran, Sadik Spahija.

“Çfarë busti?!

E kanë shëmtuar figurën e Pjetër Arbnorit sa më ska! Vihen buste personash publikë e politikë në çdo parlament të botës, por përmendoret ruajnë besnikërisht tiparet reale të personit.

Kjo përmendore e ka sakatuar imazhin e Pjetrit. Duket sikur e kanë ngritur Lugat dhe e kanë vënë aty për të qarë hallet e tyre!

Ky është përçudnimi i dytë, që Edi Rama bën në të njëjtin oborr. I pari ishte me përmendoren e Nolit, që e ngulën para Akademisë së Shkencave, por që ngjan si Bodybuilding e jo si Prift e udhëheqës shteti!

Kjo e Pjetrit është fyerja e dytë, që vetëm Ed Rama mund ti bëjë historisë.

Nejse, të paktën Pjetrin e kanë ngjitur me një libër. Sipas të njëjtës logjikë, bustet e udhëheqësve të sotëm do jenë të fshehur në Hashash e Kulla…

Shumë turp!” – shkruan Manjani në “Facebook”.