Rruga drejtë suksesit

Nga – Megi Musta

Nuk ka rëndësi kush je, sa vjeç je apo nga ku vjen. Të gjithë kemi një të të përbashkët! Dëshira për të qenë i suksesshëm! Çdo njeri ka përjetuar ndjenjën e pakënaqësisë dhe të ndjerit i deshtuar në jetë. Mos kini frikë nga dështimet, quaji një mundësi për të fituar përsëri, këtë herë më me shumë punë dhe zgjuarsi! Nuk është e lehtë të ndjekësh gjithënjë shtigjet që të çojnë në këtë udhë. Ne duam të “arrijmë” , por për të arritur duhet të “nisesh”. E për të nisur na duhet kurajo. Duhet nisur me një qëllim të guximshëm e të largët. Mos lër te sigurtën për të pasigurtën! Bota është e njerëzve të veprimit!
Kjo është ajo që përjetova ndërsa ndiqja Znj.Grida Duma në monologun e saj.
Vetëbesimi dhe inkurajimi që na dha znj.Duma teksa thonte: Që t’ia dalësh mbanë sot nuk mjafton të ëndërrosh, as të bësh ca gjëra mirë; duhet të stërvitesh fort në mendje dhe në zakonet e përditshme. Zakone fare të vogla -nga ngrënia e mëngjesit, tek ecja në rrugë, tek veshja e duhur, e më pas stërvitja e trurit si qendër force.
Të stërvitësh zakonet, të stërvisësh forcën, të bëhesh i domosdoshëm; “mos të kenë çfarë të bëjnë pa ty”; kjo është çështja.
Duket disi e pabesueshme që edhe në më të keqin e sistemeve ti mund ta kontrollosh fatin tënd. Kjo mund të ndodhë vetëm nëse ti vendos tia nisësh sot, pa çuar kot asnjë minutë.
Suksesi nuk është fat -është teknikë; është bashkimi i disa gjërave që mund të stërviten brenda teje dhe më pas fitoren nuk e sheh më në dritare, por në pasqyrë.