Agron Duka: “Na thonë ‘fluturon gomari’ dhe … ne shqiptarët e besojmë!”

Kreu i Partisë Agrare Ambientaliste, Agron Duka ka reaguar pas publikimit të statistikave nga Drejtoria e Përgjithshme e Tatimeve se është rritur numri i bizneseve që kanë pezulluar aktivitetin e tyre në krahasim me të njëjtën periudhë të vitit të shkuar.

Me një shprehje të Faik Konicës, Duka ironizon deklaratat e qeverisë dhe ministrave të Ramës, të cilët insistojnë vazhdimisht se ekonomia është rritur.

“Na thonë “fluturon gomari” dhe … ne shqiptarët e besojmë!” – pohonte Faik Konica dekada më parë. Sot na thonë se ekonomia fluturon, por statistikat e Tatimeve na rrëfejnë një histori tjetër, atë të mijëra bizeseve që pezulluan aktivitetin në muajn shtator. Rënia e fuqisë blerëse ka qenë shkaku që ka çuar në mbylljen e 1978 aktiviteteve.

Numri i bizneseve që kaluan në status pasiv, pra që kanë pezulluar aktivitetin e tyre, u rrit me 2.3 herë në krahasim me shtatorin e një viti më parë. Këtë listë të zezë e kryeson Drejtoria Rajonale Tatimore në Durrës, ku janë mbyllur rreth 374 bizneseve.

Pra asgjë e re nga fasadat e mazhorancësë; një tjetër shembull i mirë se si tjetër gjë flasin dhe tjetër gjë përjetojnë bizneset e ndershme të vendit”, shkruan Duka.