Civici: Ja arsyet e pabarazisë në Shqipëri

Ekonomisti Adrian Civici i ftuar në emisionin “Ekopolitikë” në Ora News deklaroi se në Shqipëri ka pabarazia në shoqëri ka ardhur për shkak të efektit strukturor.

“Pse ka pabarazi? Unë mendoj që pabarazia ka dy shpjegime. Një pjesë e atyre që po themi janë të pasur sot, kjo pjesë mund të jetë edhe e vogël, kanë përfituar nga të gjitha mekanizmat korruptivë, klientelistë, politikë, ndoshta kanë përfituar edhe më shumë nga seç e mendonin, por pjesa kyresore e pabarazisë në Shqipëri, mendoj se vjen nga efekti strukturor. 

Që do të thotë se sot më pak se 10% e aktorëve ekonomikë kontribuojnë me 90% të PBB dhe për pasojë frytet e kësaj GDP-je shkojnë po tek ata. Një pjesë e madhe dërrmuese qoftë edhe nga pikëpamja territoriale, po të shohësh një zonë të ngushtët bregdetare nga Shkodra në Tiranë, Vlorë e deri diku ca ishuj siç mund të jetë Korça apo ndonjë rajon tjetër është gati 80- 85% e kapitalit që ka Shqipëria e përqendruar. Çka do të thotë se pjesa tjetër e territorit është jashtë dinamikës ekonomike”, shpjegoi Adrian Civici.