Stadiumi/ Pse e goditën Ramën në “Arenën” e tij

Zakonisht për të gjithë ata që shkojnë rregullisht në stadium ka një urdhër të pashkruar: Shkallët e tyre nuk duhet të shfrytëzohen për të promovuar platforma politike për të nxitur racizmin, apo për t’u shndëruar në skena naionalizmi.

Ky rregull u prish disa herë në inaguimin e stadiumit të ri në Tiranë dhe faji i vetëm nuk qe i atyre që e tejkaluan këtë rregull të pashkruar, por edhe i atyre që i provokuan për të ndërmarrë një gjë të tillë.

Fillimisht kur hyje për tek impianti i ri, që pa kaluar radhën e parë të plicëve një grup të rijsh të Organizatës Politike ishin vendosur tek COIN, për të përkujtuar punëtorin Naim Idrizi, vdekja e të cilit gjatë punimeve për ndërtimin e stadiumit me kullë nga firma Alb Star është lënë në harrestë të plotë.

Porsa filloi ceremonia, sapo u fikën dritat një pjesë e madhe e tifozëve filluan të buçasin me thirrjet Rama Ik. Edhe një parrullë e kohës së mitingjeve të PD-së që tashmë është bërë virale mes njerzve u shfaq në tribunë.

Më pas një grup tifozësh pas portës që mbajt Shqipëria në pjesën e parë, hapën një banderolë të madhe sa krejt tribuna, ku evokohej sdiumi i vjetër që mbante emrin e heroit të luftës Qemal Stafa.

Dhe së fundi një grup tifozësh shpalosën banderolën “Larg duart nga Kosova” të cilët siç shpjeguan më pas i referoheshin idesë Thaçi Rama për ndryshimin e kufinjve.

Nayrisht të gjithë ata që vepruan këshu e tejkaluan cakun e asaj që duhet të bëjë një tifoz në një ndeshje futbolli, roli esencial i të cilit është të mbështesë skuadrën e vet të zemrës.

Por të gjitha këto tejkalime nuk janë në fakt asgjë tjetër përveçse një drejtëpeshim për abuzimin me stadiumin si për një vepër që “partia po I’a bën dhuratë popullit”.

Edi Rama ka vendosur vetë edhe firmën ndërtuese Alb Star edhe kullën edhe arkitektin e tij të preferuar Kazamonti, madje edhe këngëtarët që do të performonin në ceremoni. Për një kohë të gjatë pa ndërprerje ai ka postuar video dhe foto propagandistike pët veprën madhështore që po i falte Tiranës. Madje palaçoja i bashkisë, për çdo gjë që shkatërron, duke filluar që nga teatri, thotë do ta bëjmë si stadiumin. Ai bashkë me kryeministrin disa herë kanë deklaruar se kritikët e kullës me fushë futbolli, kur ajo të hapur, do të hyjnë të maskuar për të parë ndeshjet.

Nuk ka asnjë dyshim se vetë Rama dhe papagajtë e tij e helmuan atmosferën e ndeshjes së futbollit kundër Francës. Ata prej kohësh e përdorën atë si një mjet propaganda fiks siç bëhet në regjimet autarkike. Dhe në mbremjen e së dielën morën kundërpërgjigjen, që sado e politizuar qoftë, është shumë më pak se përdorimi që ata i kanë bërë stadiumit.