Kryeministri në detyrë, Ramush Haradinaj ka marrë një vendim të rëndësishëm, para largimit të tij nga detyra
Përmes një letre dërguar Ministrit të Administratës Publike, Mahir Yagcilar, Haradinaj e njofton se dita e 28 Nëntorit do të shpallet ditë feste dhe pushimi në territorin e Republikës së Kosovës.
“Me rastin e Ditës së Flamurit, mbështetur në Ligjin për Festat Zyrtare, kam marrë vendim që 28 Nëntori, të shpallet ditë pushimi në territorin e Republikës së Kosovës, për t’i respektuar vlerat e traditës kombëtare shqiptare. Vendimi, që 28 Nëntori të jetë ditë pushimi, është i motivuar nga aspekti historik, tradicional dhe politik”, thuhet në letrën e Haradinajt.
