Përmes një postimi në rrjetin social ‘Facebook’, ekonomisti dhe aktivisti i njohur Pano Soko, ka bërë një listë të gjatë ku llogarit të gjitha konçesionet dhe PPP-të që ka dhenë kryeministri Edi Rama gjatë këtyre 6 vite qeverisje.

Me një ironi të hollë, Soko e krahason ndërmarrjen e Ramës për të luftuar KÇK-në me aksionet e parcelave të hashashit që kryeshin pasi ky i fundit ishte korrur.

Postimi i plotë

Kryeministri nesër do t’i shpalli luftë KÇK-së.

Pasi ka dhënë:

Konçesioni i check-up – 90 milionë USD
Sterilizimi – 160 milionë USD
Dializa – 70 milion USD
Shërbimi laboratorik – 90 milion USD
Inceneratori i Elbasanit – 52 milion USD
Inceneratori i Fierit – 40 milion USD
Inceneratori i Tiranës – 310 milionë USD
Rrugët e Devoll Hdrp – 68 milion USD
Ndërtimi i shkollave në Tr – 80 milion USD
Rruga Milot Balldren – 300 milionë USD
Rruga Orikum-Dukat – 75 milion USD
Trau te rruga e Kombit – 470 milion USD
Rruga e Arbërit – 400 milion USD
__________________
2.2 miliardë USD

Dhe ka llogaritur të japë edhe:

Spitali i Fierit – 90 milion USD
Rruga Thumanë-Vorë – 340 milion USD
Rruga Kashar-Rrogozhinë – 410 milion USD
__________________
840 milion USD

Totali 3.05 miliardë USD

Pas gjithë këtyre, ka vendosur t’i hapë luftë “kap ça të kapësh”.
Fiks si atëherë që sapo mbaronte periudha e korrjes së hashashit, fillonte lufta për shkatërrimin e parcelave të hashashit.

Dmth tallje jastiku me stekë në majë i thonë kësaj.