Nga Edmond Arizaj

Eshte e tepert qe kryeministri te beje ne keto momente prepotentin dhe provokuesin me kryetarin e opozites. Intervistat, lulet, dafinat, kurorat, yjet, shiritat, piedestalin, i mori te gjitha. Te merituara dhe me falenderimet e shumeve prej nesh brenda dhe jashte Shqiperise. Por nese Rama po ben pune te lavderueshme, po aq persa i takon po ben edhe Basha.

Kryeministri nuk duhet te kete frike se mund te ndaje triumfin me dike tjeter. Por pa dorashkat e detyrueshme, mund te thuhet se Basha eshte duke bere qe nga periudha e termetit, ate qe nuk e ka bere asnje tjeter qe ka qene ne vend te tij si kryeopozitar dikur ne kriza te mprehta. Pra te perfitoje nga situata per interes te tij, a forces politike, madje edhe duke e provokuar me rende. Nuk e beri Berisha ne 1991. As Nano ne 1996-1997. As Berisha ne 1998. As Rama ne 2008 dhe 2011.

Jane vite krizash me vdekur, si ky i tanishmi dhe ai i nentorit, kur ka rreziqe per qytetaret, per sistemin vete. Si valle do vepronte Berisha? Po Nano? Po Rama vete? Do ishin ata kaq “te emancipuar” politikisht sa Basha? Kush e di. Historia flet ndryshe.

Por ama, ne ndryshim nga Basha luftarak i nje viti me pare, ne nje Shqiperi pa krize, sot ne nje Shqiperi krize, me vdekjen qe i rri mbi koke, Basha po tregon veten si drejtues serioz dhe i pergjegjshem. Te mos harrojme se elektorati dhe mbeshtetesit e djathte prej shtate vjetesh ne opozite, jane jo pak here te diskriminuar, te fyer e te neperkembur, e pikerisht per kete jane edhe ekstremiste e pikerisht per kete Basha mund te jete ne presion.

Sipas historise shqiptare te 30 viteve te fundit si dhe notave luftarake e mosbindese qe shihen perdite e qe do shtohen padyshim pas vendimeve per shtyrjen e karantines, Basha do duhej te ishte fryres i merise, nxites i mosbindjes, shkaktar incidentesh, flakevenes i inatit shperthyes. Kushtet jane, dhe te mira madje, sepse ka shume familje ne nevoje, ka shume njerez qe mund te humbasin punen, mijera te tjere me pikepyetjen e madhe te se nesermes dhe keta njerez, apo dhe te tjere, mund te marrin zjarr kollaj, pavaresisht kercenimeve.

Por Basha me stoicizem vazhdon e mbron pozicionin e ndryshem, krejt te ndryshem nga paraardhesit e tij, ate te nje lideri modern, qe kur vendi rrezikon, ai nuk e sheh popullin te ndare, por si nje te tere dhe vazhdon po me stoicizem te jape vetem propozime, e sigurisht me paralajmerimin e ligjshem se gjithcka do kaloje ne site ne kohen e duhur.

Eshte skeme me dy faqe, me te mirin dhe te keqin?! Rendesi ka qe Basha reflekton qetesi. Eshte hera e pare qe nje kryetar opozite nuk e shfrytezon krizen dhe vdekjet. Une besoj, se ky eshte hapi me i madh i Bashes ne sjelljen si lider, jo vetem si kryetar partie. Eshte krejt i ndryshem nga sivellezerit dhe duhet ta falenderoje cdokush ne Shqiperi. Ne Shqiperine qe ne kohe krizash mund te digjet shume kollaj. Madje edhe Rama, nga Olimpi mund ta falenderoje, pa frike se humbet ndonje gjethe nga kurorat e shumta.