Protesta për Klodian Rashën, pushton mediat ndërkombëtare: E papranueshme vrasja e një qytetari!

Protesta për Klodian Rashën, pushton mediat ndërkombëtare: E papranueshme vrasja e një qytetari!  

Protesta e organizuar një ditë më parë në shenj revolte për vrasjen e 25-vjeçarit Klodian Rasha, ka tërhequr vëmendjen edhe në mediat ndërkombëtare. Ato kanë përshkuar me detaje hap pas hapi protestën e cila nisi para Ministrisë së Brendshme dhe përfundoi të Drejtoria e Policisë.

“Qindra shqiptarë protestuan të mërkurën mbi humbjen fatale të 25-vjeçarit i cili u vra nga polici, pasi shkeli shtetrrethim e vendosur për shkak të pandemisë”, shkruan The Washington Post.

Protestuesit, të cilët kundërshtuan  hodhën gurë zjarr ndaj policisë, Ministrisë së brendshme, bashkisë së Tiranës dhe ndërtesave kryesore të qeverisë.

Ata gjithashtu u përpoqën të futeshin me forcë në ministri dhe kompleksin qeveritar që përfshin zyrën e Kryeministrit Edi Rama. Policia hodhi gaz lotsjellës për t’i shpërndarë.

Zëdhënësi i policisë Gentian Mullai tha për Associated Press se nëntë oficerë u plagosën, po ashtu makinat e parkuara të policisë u dëmtuan.

Ministria e Shëndetësisë tha se dy protestues u plagosën gjithashtu. Ajo shtoi se një nga oficerët e policisë ka pësuar dëmtime  serioze dhe do të kërkojë operacion.

Një deklaratë e policisë u bëri thirrje organizatorëve të protestës, të cilët përdorën mediat sociale për të mobilizuar demonstruesit, për të ndaluar thirrjet për dhunë.

“Episodi i papranueshëm i vrasjes së një qytetari nga një oficer policie, nuk mund të shfrytëzohet si pretekst për të ushtruar dhunë të verbër, për të plagosur rëndë zyrat e policisë dhe për të dëmtuar pronën publike dhe private,” tha deklarata, shkruan AP.

Klodian Rasha u qëllua për vdekje gjatë në orët e para të mëngjesit të së martës pasi nuk iu përgjigj thirrjeve të policisë për të ndaluar dhe sipas policisë, ai kishte ikur me vrap.

Duke thirrur “Rama ik!” dhe “Unë jam Klodian”, protestuesit – shumica e të cilëve nuk kishin maska ​​- i vunë flakën një peme të Krishtlindjes jashtë ndërtesës kryesore të qeverisë dhe më pas e rrëzuan atë.

Ata gjithashtu dëmtuan dekorimet e Vitit të Ri në sheshin kryesor Skënderbej. Më vonë protestuesit u zhvendosën në stacionin e policisë së Tiranës dhe dogjën koshat e plehrave, thotë Daily Mail.

Miqtë e Rashës kërkuan që oficerët të mbanin përgjegjësi. Media lokale fillimisht citoi një vajzë që pretendonte të ishte motra e Rashës, por më pas u tërhoq duke thënë se Rasha kishte vetëm dy vëllezër.

Kryeministri Rama është në Shtetet e Bashkuara ku të mërkurën ai u takua me zyrtarë të Pfizer, duke u përpjekur të sigurojë dërgesat e vaksinave për Shqipërinë”, përfundon artikulli.