Ministri i Brendshëm, Sandër Lleshaj, i cili është zhytur në luks gjatë kohës së pandemisë dhe pas tërmeteve, njeriu që shpenzoi gati 100 milionë lekë për blerjen e makinës së tij luksoze, ka reaguar më shumë se 24 orë pas vrasjes së të riut, Klodian Rasha. Në vend që të kërkonte një ndjesë duke dhënë dorëheqjen për të qetësuar shpirtrat e trazuara të shumë shqiptarëve jo vetëm të familjarëve të të riut, pretendon se ai është e vërteta.

Sandër Lleshaj lan duart sot si Ponç Pilati (Pontius Pilate), kështu ka ndodhur 2020 vite më parë dhe kështu po ndodh sot. Sandër Lleshaj është një prej Ponç Pilatëve të politikës shqiptare. Me një mesazh të trupshëm, ministri i Brendshëm thekson se do të zbardhet shpejt hetimi për vrasjen. Në fakt gjithçka është e qartë, e ka thënë vetë policia e shtetit në njoftimin e saj se polici nuk ka pasur të qartë ndikimin, ka pasur dyshime dhe ka qëlluar e ka vrarë të riun.

Zoti Lleshaj duhet të mbajë përgjegjësi për vartësit e tij sepse ai ka thënë “kur shikoni një polic me uniformë, është fytyra ime, ai jam unë”, pra ai vrasësi i djeshëm është Sandër Lleshaj.

Policia ka një numër të madh rregullash si qëllohet kundrejt një njeriu, thirrjet për paralajmërim, duhet të qëllojë në ajër dhe në asnjë rast nuk mund të ndodhë që të jetë një njeri përballë dhe me dyshimet se mos ka diçka, ai të vritet. Pse? Sepse po qarkullonte pa maskë pas orarit të shtetrrethimit. Çfarë është patrulla e policisë? Një patrullë fashiste që vret njerëzit rrugëve? Shqipëria nukë shtë në kohë lufte, Shqipëria po lufton pandeminë si gjithë bota kurse Sandër Lleshaj sot duhet të jepte dorëheqjen deri në sqarimin e plotë të rrethanave të ngjarjes

Ministri i Brendshëm duhet të jepte dorëheqjen, një qytetar i lirë është vrarë ditën e rinisë. Një 25 vjeçar ka humbur jetën dhe sot po varroset. Në ditën e varrimit të tij, Sandër Lleshaj lan duart si Ponc Pilati (Pontius Pilate).

“Cdo polic me uniformë është fytyra ime, ai që vrau është fytyra e Sandrit”, ashtu siç është BMW e tij luksoze, ashtu siç janë vilat e tij tek Gjiri i Lalzit, ashtu siç janë festat e shfrenuara në Voskopojë në kohën e pandemisë e të gjitha skandalet e tjera të publikuara në media, të raportuara nga qytetarët. E që të qetësohen shpirtrat e njerëzve, Sandër Lleshaj nuk duhet të lajë duart si Ponç Pilati, ai duhet të japë dorëheqjen! Gjaku i të riut vështirë se do të falet!/CNA.al