Nëse doni t’ju shkojë dita mirë, mos i bëni këto gjëra!

Minutat e para të ditës së punës përcaktojnë produktivitetin që do të keni për 8 orët në vazhdim. Nëse shkoni me vonesë apo keni një e-mail të mbingarkuar me mesazhe, me shumë mundësi do t’a keni të vështirë të fokusoheni përgjatë pjesës se mbetur të ditës. Ja disa nga gjërat që mund t’i ndodhin çdokujt dhe që ndikojnë në vijimësinë e ditës tuaj.

1.Të arrini me vonesë. Është tendencë e shefave që kur shikojnë punonjës që vonohen të mendojnë se ata janë më pak të interesuar për punën dhe t’i japin vlerësim më të ulët. Edhe nëse më pas ju do të qëndroni më shumë sesa 8 orë në punë, kjo nuk do e justifikojë faktin që mbërritët me vonesë.

2.Të mos përshëndesni kolegët. Nuk është asnjëherë keq të haçoni disa minuta duke përshëndetur kolegët tuaj. Nëse ju mbani distancë atëherë as shefi as kolegët nuk do të krijojnë besim tek ju për t’iu dhënë një detyrë më të rëndësishme.

3. Të pini kafe. Studimet tregojnë se ora më e mirë për të pirë kafe është pas orës 9:30 të mëngjesit. Nëse e pini kafenë tuaj më përpara, trupi është i predispozuar të shtojë stresin dhe të reduktojë prodhimin e hormonit të kortizolit.

4.T’i përgjigjeni çdo e-maili në inboxin tuaj. Pasi keni filluar punën, prirja për t’i kthyer përgjigje çdokujt mund të bëhet shumë stresuese. Do të ishte më mirë të shikonit se cili e-mail ka përparësi për ju dhe më pas të vendosni se kujt duhet t’i ktheni përgjigje.

5.Të bëni detyrat më të thjeshta në fillim. Energjia që ju keni, sa vjen e pakësohet me kalimin e orëve. Për këtë arsye nëse ju flloni të mbaroni punët tuaja më të thjeshta, në momentin që do të keni diçka më të vështirë do t’iu kenë shterruar energjitë./Business Insider