Radar
Mami po bën gati tryezën
Të gjithëve na ka ndodhur të paktën një herë në jetë që të presim me padurim në tryezë që mamaja të na shtrojë ushqimin.
Të njëjtën ndjesi duket se patën edhe dy arinj të vegjël të fotografuar në Alaska. Mamaja i kishte marrë me vete arushët në gjuetinë, ose më saktë peshkimin e saj.
Ajo “udhëzoi” që ata të prisnin në breg ndërsa ajo futej më thellë në Liqenin Clark në kërkim të peshkut. E në pritje e sipër dhe të paduruar, dy arushët shtrënguan duart (ose putrat) me shpresën që mamaja e tyre do të kthehej duar plot.
Fotot janë shkrepur nga fotografi Lewis Kemper.
“Ishe me një grup turistësh në Liqenin Clark në Alaska ku pashë ariun dhe më tutje dy këlyshët e saj që prisnin me padurim që ajo të kthehej me diçka për të ngrënë. Isha rreth 7-8 metra larg dhe arinjtë në këtë zonë janë mësuar me njerëzit e përgjithësisht nuk sulmojnë”, thotë ai.
Duhet të jeni i kyçur në mënyrë që të mund të lini një koment Kyçu