10 këshilla për rritjen e produktitvitetit në punë

1. Kontrolloni email-in:
Kontrollimi i email-it është gjëja e parë që bëhet nga një numër i madh punonjësish sapo arrijnë në zyrë. Pas email-it kontrolloni edhe mediat sociale për të parë të rejat e fundit, sepse nëse nuk do t’i kontrolloni që në mëngjes do ta keni mendjen aty gjatë gjithë ditës.

2. Shfrytëzojeni kohën e udhëtimit për në punë
Kohën e udhëtimit për në punë mund shfrytëzojeni për të kontrolluar email-in tuaj dhe për të përcaktuar më pas të gjitha detyrat e ditës sipas prioriteteve. Kjo do t’ju ndihmojë shumë sepse kur të arrini në punë e dini se me çfarë do të merreni fillimisht.

3. Shkurtojini sa më shumë kohën e mbledhjeve
Do ta shikoni se në fund të 2 muajve, sasia e punëve të përfunduara do të jetë shumë më e madhe dhe një gjë e tillë vetëm sepse ju keni shkurtuar kohën në të cilën zhvilloni mbledhjet. Nëse ju e reduktoni kohën e mbledhjeve nga 1 orë në 45 minuta, ju do të fitoni 25 orë punë në një muaj ose 300 orë në një vit.

4. Planifikoni shkëputje të ndryshme gjatë ditës
Një ndër këshillat më të mira që ndikon në rritjen e produktivitetit në punë është planifikimi i shkëputjeve të ndryshme gjatë ditës, sepse nëse ju nuk pushoni gjatë ditës do të lodheni dhe do të humbni përqendrimin. Pushime të tilla ju ndihmojnë të jeni edhe më të organizuar sepse gjatë këyre shkëputjeve të shkurtra, ju mendoni për ato gjëra që duhet të përmbushni kur t’i riktheheni punës.

5. Puna nga shtëpia
Në varësi të punës, p.sh., kur ju duhet të merreni me ndonjë punë kërkimore apo kur duhet të shkruani ndonjë artikull, këshillohet më mirë të punoni nga shtëpia. Një gjë e tillë shmang edhe ndërprerjet e ndryshme që mund t’ju shkaktohen në zyrë. Sipas disa studimeve të fundit të kryera në disa kompani amerikane, të punuarit nga shtëpia shkurton kohën e udhëtimit për në punë, pushimin e drekës, shkëputjet e ndryshme gjatë ditës etj.

6. Përzgjidhini faqet nga të cilat ju merrni informacion
Ekzistojnë aq shumë faqe nga të cilat mund të merrni informacion saqë shpeshherë pjesa më e madhe e informacioneve rezulton e pavërtetë, prandaj këshillohet që ju t’i përzgjidhni faqet përpara se të filloni kërkimin.

7. Fikini aplikacionet argëtuese
Gjatë orëve të punës këshillohet që t’i fikni aplikacionet e tilla si Twitter, WhatsApp, Viber, Facebook, sepse ju tërheqin vëmendjen dhe mbi të gjitha ju marrin shumë kohë.

8.Komunikoni, mos bini pre e email-eve
Komunikoni me telefon ose zbrisni disa kate më poshtë për të komunikuar drejtpërdrejt me kolegët tuaj. Nëpërmjet komunikimit ju mund t’i jepni udhëzimet e duhura dhe të shmangni çdo keqkuptim që mund të vijë si pasojë e komunikimit me email dhe sidomos të kurseni sa më shumë kohë.

9.Konsiderojini problemet e mëdha si të vogla
Vetëm duke i konsideruar problemet e mëdha si të vogla, ju nuk do të keni ndjesinë e mbingarkesës dhe të punuarit nën presion. Kjo do t’ju ndihmojë që ta menaxhoni sa më mirë punën tuaj sepse shpesh herë ankthi dhe stresi e bëjnë një punë të papërballueshme.

10. Listë me të gjtiha punët
Këshillohet që të mbani një listë me të gjitha punët tuaja dhe në fund të çdo ditë të shikoni se deri ku jeni me secilën prej tyre. Një gjë e tillë do t’ju ndihmojë që të jeni sa më të organizuar dhe produktivë.