Mirëbalancimi ndërmjet punës dhe jetës private?

Pavarësisht se sa i zoti mund të jeni në punën tuaj dhe sa mirë mund të vendosni një barazpeshë ndërmjet jetës suaj profesionale dhe asaj private, shpesherë ajo shndërrohet në një problem të vërtetë. P.sh. kompania juaj do të hedhë në treg një fushatë të re dhe ju po punoni shumë orë shtesë për të arritur afatet kohore të përcaktuara. Por mbingrakesa mund t’ju vijë edhe në aspketin familjar, fëmija juaj është i sëmurë dhe ju duhet të rrini në spital për orë të tëra. Ose mbase jeni duke studiuar për të mbrojtur temën e doktoraturës dhe ju duhet të lexoni dhe të punoni për orë të tëra për ta përfunduar. Nëse ju e shikoni se balanca ndërmjet punës dhe jetës suaj private po lëkundet sa nga njëra anë dhe sa nga tjetra, atëherë është momenti i duhur për ta marrë situatën në dorë dhe për t’u munduar që të vendosni një barazpeshë ndërmjet tyre.

1.Gjeni mënyra sa më efikase. Gjëja e parë është gjetja e mënyrave sa më produktive. P.sh. të mos harxhoni kohë duke shkuar sa nga një mbledhje në tjetrën. Mbajini të gjitha materialet e nevojshme në një software qëndror në mënyrë të tillë që mos t’i kërkoni gjithmonë kolegëve tuaj t’ju gjejnë materiale kur t’ju duhen.

2.Çdo gjë ka kohën e saj. Duke qenë se në ditët e sotme pjesa më e madhe e njerëzve janë të mbingarkuar në fusha të ndryshme të jetës, këshillohet që çdo gjëje t’i kushtohet koha e nevojshme për t’u përmbushur. Sepse nëse merrni më shumë gjëra njëkohësisht mund të kaloni nga njëra tek tjetra dhe në fund të ditës nuk keni përfunduar asnjërën prej tyre.

3.Delegoni. Mënyra më e mirë për të shpëtuar nga bërja ë shumë gjërave njëkohësisht është delegimi ose shpërndarja e tyre tek përsonat përkatës. Një gjë e tillë do t’ju ndihmonte shumë për të përfunduar dhe për të dorëzuar në kohë detyra të ndryshme.

4.Vendosni kufinj. Edhe pse të gjitha strategjitë e mësipërme  ju mundësojnë kursim më të madh kohe ju herë pas herë duhet të vendosni edhe disa kufinj si në punë ashtu edhe në familje. Sado të jeni të mbingarkuar me pune, dita e premte duhet të përfundojë brenda orarit zyrtar të punës dhe e gjithë fundjava t’i kushtohet familjes. Dhurojini vetes një seancë relaksuese në joga gjatë ditës së dielë dhe do ta shikoni që e gjithë java do t’ju shkojë më së miri.