Pak para performancës në “Këngën Magjike”, Klea Huta u komentua në portale e media për një bashkëpunim me kinematografinë turke, ku u fol se do të luajë në të njëjtin serial televiziv me aktorin e famshëm turk, Engin Altan Duzya, i njohur si Ertugrul. Edhe pse takimi i Kleas me aktorin turk është bërë para disa muajsh, lajmi u publikua një ditë para garës për festivalin “Kënga Magjike”, ku Klea përformon për herë të parë si këngëtare për krijimin “Amla”, në bashkëpunim me djemtë e “Alar Band”.

Në një intervistë të fundit për mediat, Klea ka deklaruar se producentët turq i kanë ofruar pjesëmarrjen asaj në një serial turk. Ajo ka pohuar se do të interpretojë përkrah një prej aktorëve më të dashur në Turqi, Engin Altan Düzyatan, që në Shqipëri është i famshëm për personazhin e tij, Ertugrul, nga seriali që mban emrin e tij.“E takova ndërkohë që ai ishte në sheshxhirim me serialin ‘Ertugrul’. Unë isha së bashku me delegacionin nga Shqipëria dhe ishte një takim shumë miqësor.

U ulëm dhe si tradita e do, na ofroi çaj. Më tej biseduam për projektin e ri që do të nisë së shpejti, ku ne të dy do të jemi pjesë. Engini ishte një person i thjeshtë, shumë i komunikueshëm dhe miqësor. Siç shihet edhe nga televizioni, ishte një mashkull shumë simpatik dhe një aktor shumë i kompletuar. Ishte bërë baba dhe ishte shumë i lumtur për këtë fakt. Bisedat kryesisht u vërtitën rreth telenovelës më të re që do të bëjmë së bashku. Më uroi suksese dhe më pas vijuam vizitën në ambientet, ku dhe po luhet telefilmi “Ertugrul””, tregonte Klea.

Gjithsesi nuk e kam menduar asnjëherë ta braktis Shqipërinë. Unë thjesht po shijoj famën si dhe po përpiqem të prek edhe skenat e tjera europiane jashtë Shqipërisë, por kjo nuk do të thotë që do të largohem përfundimisht”, rrëfen Klea. Ajo ka folur dhe për vlerën e ofertës, që sipas saj është një “ofertë e majme”.

Por sipas burimeve tona brenda delegacionit prej katër personash që takuan Ertugrul në Stamboll ishte edhe aktorja tjetër Eni Jani. Sipas tyre, e vërteta është që ishte një ide për bashkëpunim, por që u la në mes. Produecentët që punojnë me Ertugrul ishin në kërkim të aktorëve dhe Klean e pëlqyen shumë, por më pas nuk kanë shkëmbyer kontakte mes njëri-tjetrit.

Në fillim të këtij viti në media u fol se Ertugrul do të luante në një film të përbashkët shqiptaro-turk me temë emigrimin e shqiptarëve në kohë. Përveçse si aktor, Engin Altan Duzyatan, 36- vjeçar, njihet në Turqi edhe si showman. Nëse Klea arrin të jetë pjesë e produksioneve të tij, ajo do të pasojë Nik Xhelilaj dhe Almeda Abazin që kanë arritur të bëjnë famë në Turqi./Panorama/