Ushqehet me molto se nuk i japin rrogën….

Janë të shumtë lojtarët e huaj dhe sidomos ata nigerianë që vijnë në vendin tonë për të luajtur futboll, por gjejnë një realitet krej tjetër i cili i penalizon jo pak. I tillë është edhe rasti i futbollistit të Sopotit Tandjog Janot i cili për “Panorama Sport” tregon vuajtjet në vendin tonë.

“Erdha në Shqipëri për të luajtur futboll dhe treguar cilësitë e mia për të bërë një hap në karrierë. Për ne lojtarët nga Nigeria Europa është një shans i artë dhe nuk u mendova dy herë kur mu dha një mundësi për të luajtur në Shqipëri. Por, tani kam katër muaj që nuk paguhem dhe është turp pasi disa herë kam mbetur edhe pa bukë. Madje para një ndeshje më ka dhënë sanduiç pronari i një dyqani që kemi poshtë pallatit ku jetojmë unë dhe shokët e mi, pasi e dinte problemin tonë. Klubi më ka thënë se ka pasur probleme financiare dhe unë po pres të paguhem. Kam shpresa se kjo do të ndodhë”, ka thënë Janot.