Dua Lipa

Dua Lipa është këngëtare, tekstshkruese dhe modele shqiptare, që jeton dhe punon në Londër, Angli. Lipa lindi në Londër më 22 gusht 1995. Prindërit e saj, janë shqiptarë nga Kosova, të cilët janë larguar nga Prishtina në vitet 1990. Shkolla që ajo ka ndjekur është “Sylvia Young Theatre School”. U zhvendos me familjen e saj në Kosovë në vitin 2008, vit kur vendi shpalli pavarësinë nga Serbia. Në moshën 15 vjeçare, ajo u kthye në Londër dhe jetonte me miqtë e saj, sepse ajo donte të ndërtonte një karrierë në muzikë. Ajo filloi të punonte si modele në moshën 16 vjeçare.

Lipa u rrit duke dëgjuar babain e saj të këndojë, këngëtarin e rock-ut Dukagjin Lipa. Në moshën 14 vjeçare ajo filloi të publikojë në YouTube covers të këngëve të saj të preferuara nga artistët si Christina Aguilera dhe Nelly Furtado. Në vitin 2015, Lipa filloi të punojë në albumin e saj debutues për Warner Bros Records. Në gusht 2015 ajo nxorri këngën e saj të parë “New Love”, një prodhim i Emile Haynie dhe Andreë Wyatt. Lipa prezantoi këngën e dytë “Be the One”, të shkruar nga Lucy Taylor në tetor 2015. Karriera e saj vazhdon dhe ajo po korr sukses në punën e saj. Bashkëpunimi me Sean Paul është një nga arritjet e saj të fundit.