Mosha kur miliarderët fituan milionshin e parë

1. Mark Zuckerberg: 22 vjeç

Bashkëthemeluesi i Facebook dhe CEO i kompanisë u bë milioner në vitin 2006, në moshën 22 vjeçare. Në moshën 23 vjeçare, kuotimi i Facebook në bursë e bëri Zuckerbergun miliarderin më të ri në moshë të të gjithë historisë.

2. Evan Spiegel: 23 vjeç

Bashkëthemeluesi i Snapchat dhe CEO i saj u bë milioner në vitin 2013 në moshën 23 vjeçare. Dy vjet më vonë, vlera e aksioneve të tij në Snapchat arriti 1 miliard.

3. Sir Richard Branson: 23 vjeç

Miliarderi britanik e fitoi milionshin e parë në vitin 1973, kur ishte 23 vjeç. Pothuaj dy dekada më vonë, themeluesi i “Virgin Group” arriti statusin e miliarderit në moshën 41 vjeçare.

4. Carlos Slim: 25 vjeç

Manjati i telekomunikacionit u bë milioner në vitin 1965 në moshën 25 vjeçare, falë investimeve në pasuri të paluajtshme.

5. Larry Page: 25 vjeç

Bashkëthemeluesi i Google e fitoi milionshin e parë në vitin 1999, në moshën 25 vjeçare.  Kuotimi në bursë i kompanisë në vitin 2004 e rriti pasurinë e tij në mbi 1 miliard, duke e bërë miliarder në moshën 30 vjeç.

6. Bill Gates: 26 vjeç

Bashkëthemeluesi i Microsoft u bë milioner në vitin 1981, në moshën 26 vjeç, falë kuotimit në bursë të Microsoftit. Vlera e aksioneve të tij kaloi 1 miliardshin kur ishte 31 vjeç, gjë që në atë kohë e bëri miliarderin më të ri në moshë. Sot, Gates është njeriu më i pasur në botë.

7. Elon Musk: 27 vjeç

Bashkëthemeluesi i PayPal dhe Tesla Motors si dhe themeluesi i SpaceX e arriti statusin e milionerit në vitin 1999, në moshën 27 vjeç, kur shiti një kompani aplikacionesh interneti për më shumë se 300 milionë dollarë.

8. Sara Blakely: 29 vjeç

U desh vetëm një vit në krye të kompanisë së saj, Spanx, përpara se Blakely të bëhej milionere në vitin 2000, në moshën 29 vjeçare.

9. Warren Buffett: 30 vjeç

Legjenda e investimeve dhe CEO i Berkshire Hathaway u bë milioner në vitin 1960 në moshën 30 vjeçare.

10. Mark Cuban: 32 vjeç

Investitori i “Shark Tank” dhe pronari i Dallas Mavericks u bë milioner në vitin 1990 kur ishte 32 vjeç, atëherë kur shiti kompaninë e tij të parë, MicroSolutions.

11. Oprah Winfrey: 32 vjeç

Mbretëresha e televizionit u bë milionere në vitin 1986, në moshën 32 vjeçare. Në vitin 2003, ajo u bë e para miliardere me ngjyrë e historisë, kur ishte 49 vjeçe.

12. Zhou Qunfei: 33 vjeç

Themeluesja e “Lens Technology” u bë milioner në vitin 2003, në moshën 33 vjeç. Në vitin 2015, Lens Technology u kuotua në bursë, duke e bërë atë një miliardere në moshën 45 vjeçare.

13. Jeff Bezos: 33 vjeç

Themeluesi dhe CEO i Amazon u bë milioner në vitin 1997, në moshën 33 vjeçare, kur kuotimi i Amazon në bursë siguroi 54 milionë dollarë. Dy vjet më vonë ai u bë miliarder, në moshën 35 vjeç.

14. George Lucas: 34 vjeç

Krijuesi i “Luftërat e Yjeve” dhe themeluesi i kompanisë Lucasfilm u bë milioner në vitin 1978, në moshën 34 vjeç. Aksionet në Lucasfilm e ndihmuan të bëjë kërcimin, nga milioner në miliarder, në moshën 52 vjeçare.

15. Denise Coates: 38 vjeç

Bashkëkrijuesja e kompanisë së basteve online Bet365 u bë milionere në vitin 2005, në moshën 38 vjeçare, pasi shiti kompaninë e saj për 40 milionë dollarë. 50% e aksioneve në Bet365 e bënë miliardere në moshën 47 vjeçare.

16. Meg Whitman: 40 vjeç

Ish CEO e eBay, dhe aktualisht CEO e Hewlett-Packard, u bë milionere në vitin 1996 në moshën 40 vjeç. Dy vjet më vonë, në moshën 42 vjeç, pasuria e saj kaloi 1 miliard dollarë pasi eBay u kuotua në bursë.

17. Larry Ellison: 42 vjeç

Themeluesi dhe CEO i Oracle u bë milioner në vitin 1986 kur ishte 42 vjeç. Statusin e miliarderit e arriti në moshën 49 vjeçare falë aksioneve në Oracle dhe rritjes së shpejtë të kompanisë.