Besimi tek poltikanët ndodhet në nivelet më të ulëta historike, madje edhe në vendin etalon të demokracisë në SHBA. Sondazhet më të fundit tregojnë se njerëzit në Europë dhe në SBA HBHBa kanë më pak besim te kryeministrat e tyre, sesa tek kanalet televizive. Kjo në një kohë që edhe mediat gëzojnë besimin e vetëm 21% të publikut.

Megjithatë, për habi të shikumëkujt edhe më i vogël është besimi tek parlamenti i cili zgjidhet në mënyrë të drejtpërdrejtë nga populli dhe në kushte funksionimi normal duhet të gëzonte mbështetjen e publikut. Vetëm 9% e publikut perëndimor beson tek Parlamenti ose Kongresi Kombëtar.

Teknologjia dhe globalizmi janë sipas analistëve dy nga shkaqet pse ndodh kjo gjë. Por, megjithatë shkaku primar dhe mbizotërues është se ekziston një perceptim i madh në publik se politikanët nuk punojnë për interesat dhe të mirën e votuesve.

Problemi i mosbesimit te qeveria tejkalon figura kontroverse si Presidenti i SHBA-së Donald Trump dhe ka me dhjetëra vite që ekziston si fenomen. Që prej vitit 1972 studimet tregojnë se pjesa më e madhe e njerëzve nuk besojnë se qeveria po punon në interes të tyre. Në vitin 2015 kjo shifër kapi minimalen historike, teksa vetëm 1 në 5 amerikanë besonte tek qeveria e tij. Edhe më i përgjithshëm dhe shqetësues bëhet problemi kur e referojmë në terma përtej politikës. Kur njerëzit pyeten a kanë besim te të tjerët që prej vitit 1980 shihet se ka rënë jashtë mase dhe vetëm 1 në 3 perëndimore shprehet se ka besim te miqtë dhe të afërmit.

Pra, problemi nuk është vetëm politik, por është i rrënjosur në botëkuptimin tonë dhe për këtë gjendje shkaktarët janë zhvilluar brenda nesh për dhjetëra vite. Globalizimi i vazhdueshëm me ritme galoponte dhe ndryshimet teknologjike janë një faktor kontribuues në rritjen e mosbesimit dhe tek dyshimi për gjithçka te njerëzit.

“Facebook-u” dhe rrjetet sociale janë vendi ku shprehen të gjithë opinionet dhe dyshimet dhe për pasojë shtohen eksponecialisht dhe pikëpyetjet për shumë nga çështjet e së përditshmes dhe aktualitetit që ndoshta brezat e kaluar, nuk i vërenin me kaq shumë vëmendje.

Aktualisht shteti perëndimor i cili ka më shumë besim te qeverisja dhe institucionet e tij është Suedia, publiku i së cilës 59% beson se politikanët e tyre punojnë në emër të interesit publik dhe së mirës të përbashkët të tyre.

Megjithatë, aktualisht në shkallë ndërkombëtare besimi tek qeveria ka kapur nivelet minimale të regjistruara ndonjëherë. Ndoshta, jo vetëm faktorët afatgjatë socio-psikologjikë, por edhe premtimet e panumërta të pambajtura janë shkaku se përse politika po bëhet sinonim i mashtrimit sa më shumë vitet kalojnë.