Më shumë se 500 vjet më parë, ishte një njeri që përfytyroi se si teknologjia mund të ndryshonte botën. Ai konceptoi makina fluturuese, një lloj automjeti të blinduar luftarak, energji diellore të përqëndruar, një makinë mbledhjeje dhe një byk të dyfishtë, duke përshkruar gjithashtu një teori fillestare të tektonikës së pllakave.

Por ky njeri nuk ishte një i fiksuar pas mësimeve, sipas kushteve të sotme. Ai ishte një artist, një student i filozofisë, fiziologjisë dhe shkencave humane. Ai e dinte se shkenca pa një kuptim të natyrës njerëzore ishte thjesht lojë, pa ndonjë qëllim ose kuptim të dobishëm.

Leonardo da Vinçi, piktori i “Darkës së Fundit” dhe “Mona Lisa”-s, ishte disa shekuj përpara kohës së tij, duke na treguar se teknologjia për hir të teknologjisë, thjesht do të zërë kohë, në vend se të lëshojë më të mirën e njerëzimit.

Më poshtë, disa nga mendimet e tij më të thella.

1. “Të mësuarit kurrë nuk e shteron mendjen”.

2. “Thjeshtësia është sofistikimi përfundimtar”.

3. “Koha qëndron mjaftueshëm, për këdo që do ta përdorë”.

4. “I dua shumë ata që janë në gjendje të buzëqeshin në vështirësi, që mund të mbledhin forcë nga shqetësimi dhe të rriten me guxim përmes reflektimit. Është puna e mendjeve të vogla që të tkurren, por ata zemra e të cilëve është e vendosur dhe ndërgjegja e të cilëve miraton sjelljen e tyre, i ndjekin parimet e tyre deri në vdekje”.

5. “I varfër është nxënësi që nuk e parakalon mësuesin e tij”.

6. “Prej kohësh kam vënë re se njerëzit me arritje, rrallëherë ulen dhe lejojnë që gjërat të ndodhin për ta. janë ata që dalin dhe ‘u ndodhin’ gjërave”.

7. “Kam qenë i impresionuar me urgjencën e të bërit. Të dish nuk mjafton, duhet të zbatosh. Të jesh i gatshëm nuk mjafton, duhet të bësh”.

8. “Kënaqësia më fisnike është gëzimi i të kuptuarit”.

9. “Eksperienca nuk gabon kurrë; vetëm gjykimet gabojnë, duke premtuar efekte të tilla që nuk janë shkaktuar nga eksperimentet”.

10. “Të gjitha njohuritë tona e kanë origjinën në perceptimet tona”.

11. “Edhe pse natyra fillon me arsyen dhe përfundon me përvojën, është e nevojshme që ne të bëjmë të kundërtën, që të fillojmë me përvojën dhe nga kjo të vazhdojmë të hetojmë arsyen”.

12. “Ka katër fuqi: kujtesa dhe intelekti, dëshira dhe lakmia.” Dy të parat janë mendore dhe të tjerat shqisore: tre shqisat, shikimi, dëgjimi dhe nuhatja nuk mund të ndalohen mirë, prekja dhe shija nuk mund të pengohen fare”.

13. “Ashtu si ushqimi i ngrënë pa oreks është një ushqim i lodhshëm, po kështu edhe studimi pa zell dëmton kujtesën duke mos e asimiluar atë që përthith”.

14. “Gjithë njohuritë që mbarojnë me fjalë do të vdesin po aq shpejt sa vijnë në jetë, me përjashtim të fjalës së shkruar: që është pjesa e saj mekanike”.

15. “E vërteta e gjërave është ushqimi kryesor i intelekteve superiore”.

16. “Jeta e kaluar mirë është e gjatë”.

17. “Arsyeja e shëndoshë është ajo që gjykon gjërat, që i janë dhënë asaj nga shqisat e tjera”.

18. “Njohja e së kaluarës dhe e vendeve të tokës është stolia dhe ushqimi i mendjes së njeriut”.

19. “Ashtu si një ditë e mirë sjell gjumë të lumtur, po kështu që një jetë e shpenzuar mirë sjell vdekjen e lumtur”.

20. “Gjenitë janë më aktivë, atëherë kur janë duke bërë më pak punë”. / Bota.al