Shqipëria në vitin 1982 – Një udhëtim fotografikë në Shqipëri në kohën e izolimit të vendit

Autori i këtyre fotografive është Onide Donati, një gazetar italian tani 63-vjeçar.

Ai ishte zyrtar i Partisë Komuniste të Riminit dhe më vonë ka punuar në njësinë e tij dhe më pas në gazetë për më shumë se 30 vjet, së pari si korrespondent, pastaj si gazetar politik dhe në fund si kreu i redaksisë së Emilia-Romagna.

Sot ai është në pension.

Por shërbimi i tij fotografik i realizuar në vendin tonë në vitin 1982, ka një vlerë të paçmuar për Shqipërinë dhe shqiptarët.

Ky fotoreportazh përveç të tjerash, sjell imazhe autentike, reale dhe të patjetërsueshme, të realitetit të Shqipërisë komuniste, pikërisht në atë kohë kur regjimi famëkeq nisi pikiatën dhe mjerimi dhe varfëria nisën të lexohen qartë në sytë e shqiptarëve.

Fotot e gazetarit dhe reporterit italian Donati, janë realizuar në qendrat e qyteteve më kryesore dhe më të bukur të Shqipërisë së atëhershme si Tirana, Shkodra, Elbasani, Berati, Kruja, Korça etj.

Por ato nuk e fshehin dot mjerimin dhe rrënimin e sistemit komunist, ku kudo shihen njerëz të veshur keq, automjete të vjetra, karroca me kuaj që kryenin punë të shumta në atë kohë, si dhe disa pjesë muzeale ku bashkë me to nuk mungojnë parrullat e rregjimit.

Fotot jane shkrepur me pelikol me ngjyra dhe bardhezi, sipas rasteve, por në disa prej tyre, gazetari Donati ka dalë edhe vetë si për të dokumentuar realitetin.

Shikoni fotot e saj kohe, që shumë e kanë harruar… dhe bëjeni vetë krahasimin.