“Kam miliona në bankë, por ja ç’kam kuptuar tani që jam 80 vjeç”

Sot 80 vjeç, i dergjur në shtrat dhe i sëmurë, ai ka dhënë një mesazh për të gjithë që të mos humbasin drejt lumturisë së gënjeshtërt të lekut por t’i përkushtohen një qëllimi tjetër…

*****

“Të kisha më shumë nuk ishte e mjaftueshme”.

“Unë jam 80 vjeç dhe fatkeqësisht jam shtrirë në një krevat spitali. Kam miliona dollarë në bankë, por nuk mund të blej dot shëndet për të shpëtuar jetën time. Kam familjarë dhe miliona fansa në mbarë botën, por tani ndihem krejtësisht i vetëm.

Sepse unë e kam jetuar jetën time gabim dhe nuk dua që kjo gjë të të ndodhë edhe ty.

Nëse ke dëshirë të më dëgjosh dhe të ndryshosh, kjo mund të të ndihmoj ta ndryshosh të ardhmen tënde. Do të doja shumë që dikush të m’i thoshte këto gjëra edhe mua, kur isha në moshën tënde.

Paraja nuk është vetë e ligë, pasi është thjesht një letër me njëfarë vlere që e përdorim për gjërat që na duhen. Por nëse paraja nuk është e ligë, ju natyrisht e pyesni veten, çfarë është e ligë?

E ligë është dëshira obsesive dhe e papushim që kemi për të pasur më shumë. E ligë është të vendosësh një çmim për zemrën dhe shpirtin tënd duke marrë në këmbim sukses financiar. E ligë është ta blesh lumturinë sërish dhe sërish dhe të mos ndalesh.

Nëse je i tillë, imagjino sikur t’i humbasësh të gjitha lekët e tua. Çfarë do të të mbetet? Zgjidhja e vetme që njeh, është të kërkosh më shumë vetëm për të pasur më shumë. Mirëpo nuk do të kesh më mundësi. Nuk do të kesh më mundësi të blesh lumturi të rreme. Kështu që, kush je ti tani që humbe paratë? Ku janë të gjithë ata që i mendoje miq, kur ishe i/e rrethuar nga paratë?

Nëse je i tillë ti mund të humbur familjarët, miqtë, të dashurit e tu  dhe gjithë të tjerët rreth vetes. Pse? Falë arrogancës tënde. Pse? Për shkak të dëshirës tënde për të pasur më shumë. Kjo të devijon nga qëllimi i vërtetë që duhet të kishe në jetë.

Unë nuk po them se nuk ke të drejtë të jesh financiarisht i suksesshëm. Unë po them se duhet të kesh një qëllim të madh për të arritur në jetë, shumë më sipër se ai i të qenurit financiarisht i suksesshëm.

Pra ti mund të ndryshosh vetëm, nëse ndryshon konceptin që ke për suksesin. Kur ta kuptosh këtë, ti mund të ndryshosh marrëdhëniet e shkatërruara dhe të ndërtosh marrëdhënie të reja. Ti mund të falësh veten tënde dhe ata që të lënduan. Ti mund të ribalancosh prioritetet e tua në jetë. Ti mund të shërosh martesën tënde dhe të krijosh një dashuri të fortë që kurrë nuk e mendoje të mundshme. Ti mund të bëhesh prindi më fantastik i mundshëm në çdo moshë, edhe në moshën 80 vjeçare, por mos prit deri në atë moshë.

Ti gjithmonë do të kesh mundësi të bësh më shumë para, por nuk do të kesh kurrë mundësi të fitosh më shumë kohë. Një ditë ne të gjithë do të vdesim. Për çfarë do ti që të të kujtojnë? Cili ishte qëllimi yt më i madh në këtë botë?

Kur të përballesh me një botë ku ekziston dashuria e vërtetë, do të kuptosh se dashuria për ty ka qenë ajo dëshira jote e fortë për të pasur më shumë. Transformoje atë dashuri në një dashuri tjetër me ndjenja. Dhuro ndjenja përditë e më shumë nga vetja dhe pavarësisht se si do të venë gjërat, mos u pendo. Bota ka nevojë për ty më shumë se kurrë. Së bashku, dashuria, vullneti dhe mirësia do ta mundin të ligën. Një herë e përgjithmonë”.