Kush u pasurua më shumë në 2017-ën? Ja 10 përfituesit më të mëdhenj

Në 2017, tregu i aksioneve në SHBA arriti nivele të larta, çmimet e naftës vazhduan të rriten dhe tregu kinez i pasurive të paluajtshme raportoi një rritje të qëndrueshme – të gjitha këto ndihmuan që pasuritë e njerëzve më të pasur në botë të rriteshin edhe më shumë.

Revista “Forbes” vlerësoi të ardhurat neto të më shumë se 2000 miliarderëve në 2017.

10 fituesit më të mëdhenj miliarderë i shtuan një total prej 204 miliard dollarë pasurive të tyre, në krahasim me vetëm 74.7 miliardë dollarë fitime në 2016.

Jeff Bezos, njeriu më i pasur në botë që në muajin tetor kryeson listën e fituesve.

Bezos, të ardhurat neto të të cilit u rritën me 33.8 miliardë dollarë falë aksioneve të rritura të Amazon, është vetëm njëri nga tre amerikanët në listën e 10 fituesve më të mëdhenj.

7 të tjerë vijnë nga e gjithë bota, përfshirë manjatin indian të naftës dhe gazit Mukesh Ambani.

1. Jeff Bezos

+$33.8 miliardë
Të ardhurat neto: $98.6 miliardë
Kompania Amazon e Bezos po shijon një vit rekord: aksionet e saj kanë arritur 60% fitim që më 1 Janar. Aksionet e saj u rritën me 13% vetëm në një ditë, më 26 tetor, kur gjiganti i tregtisë së blerjeve dhe shitjeve online njoftoi se fitimet e tremujorit të tretë i tejkalonin pritshmëritë. Ishte po e njëjta ditë ne të cilën Bezos, i cili fitoi 7 miliard dollarë për disa orë, u bë personi më i pasur në botë, një titull që e ka mbajtur që atëhere.

2. Hui Ka Yan

+$27.4 miliard
Të ardhurat neto: $36.5 miliard
Manjati kinez i pasurive të paluajtshme më i pasur në botë, pasuria të cilit pothuajse u katërfishua që në fillim të vitit. Rritja e pasurisë është totalisht e lidhur me një ngritje 400% të çmimeve të aksioneve të kompanisë së tij “Evergrande Group”. Shumica e kësaj rritje erdhi pasi kompania njoftoi rezultate te fuqishme financiare në muajin korrik për gjysmën e parë të vitit fiskal të 2017, kjo pasi të ardhurat u rritën me 115% dhe fitimet neto u rritën 224%. Kompania e pasurive të paluajtshme ka prona komerciale dhe rezidenciale në më shumë se 200 qytete në Kinë. Ai gjithashtu kontrollon kompaninë “Evergrande Health” e cila punon me spitalin e Bostonit për të përmirësuar kujdesin shëndetësor në Kinë.

3. Bernard Arnault

+$23.6 miliard
Të ardhurat neto: $40.3 miliard
Një nga personat më me influencë në botë në fushën e modës, shumica e pasurisë së Arnault vjen nga aksionet e tij në Christian Dior. Aksionet, të cilat u rritën 52% që në fillim të vitit, aktualisht arrijnë vlerën 47 miliard dollarë. Arnault gjithashtu ka një numër të madh aksionesh në kompaninë LVMH, konglomerati i artikujve luksozë që ai ka drejtuar që në vitin 1989; aksionet e LVMH që kontrollojnë 70 marka të modës përfshirë Dom Perignon, Bulgari, Louis Vuitton dhe Tag Heuer janë rritur rreth 35% kwtw vit.

4. Mark Zuckerberg

+$23.6 miliard
Të ardhurat neto: $72 miliard

Kompania Facebook e Zuckerberg ka patur një rritje të qëndrueshme në 2017, aksionet e saj u ngritën me rreth 60%, të mbështetur nga rritja e reklamave të telefonave celularë. Në dhjetor të 2015, Zuckerberg dhe gruaja e tij Priscilla Chan, njoftuan se do të jepnin 99% të aksioneve të tyre të Facebook për çështje filantropike. Zuckerberg gjithashtu kërkoi krijimin e një klase të re aksionesh që do ta lejonte atë të mbante kontrollin e tij të votimit mbi kompaninë. Pas një proteste publike, Zuckerberg, i cili bashkëthemeloi Facebook në vitin 2004 në moshën 19 vjeçare dhe aktualisht ka 17% të aksioneve të kompanisë, braktisi planet në muajin shtator. Miliarderi 33 vjeçar gjithashtu njoftoi se do të përshpejtojë përpjekjet e tij filantropike dhe do shesë 35 deri në 75 milion aksione të Facebook gjatë 18 muajve të ardhshëm për të financuar disa shoqata bamirësie.

5. Ma Huateng

+$21.8 miliard
Të ardhurat neto: $44.3 miliard
Miliarderi kinez i teknologjisë Ma Huateng dhe kompania e tij ‘Tencent Holdings’, ku Ma është president, kanë qënë në kërkim të aplikacioneve virale të komunikimit dhe hiteve të internetit që në vitin 2011. Tencent – që kontrollon një prej aplikacioneve të mesazheve më të njohura në Kinë, WeChat, me më shumë se 960 milion përdorues- bëri një investim në Snapchat dhe pastaj bleu 12% aksione në kompaninë themeluese Snap në muajin nëntor. Megjithëse aksionet e Snap kanë rënë 35% që në muajin mars, aksionet e Tencent u rritën më shumë se 100% në 2017.

6. Mukesh Ambani

+$15.3 miliard
Të ardhurat neto: $65.1 miliard

Njeriu më i pasur i Meksikës, Carlos Slim Helu, kryesoi listën e miliarderëve të Forbes për herë të fundit në vitin 2011 dhe që atëhere është zëvendësuar me emra si investitori Warren Buffett dhe manjati spanjoll Amancio Ortega. Çmimi i aksionit të korporatës së telekomit të Carlos Slim, ‘América Móvil’, u ul në nëntor të 2016 pas një rënie për rreth 13 muaj por kompania arriti t’ia dilte mbanë: në fillim të 2017, vlera e pesos meksikane u ngrit dhe kompania e tij njoftoi një raport bindës të tremujorit të parë. Vlera e aksioneve të kompanisë ‘América Móvil’ u rrit 50% nga janari deri në mes të dhjetorit. Slim gjithashtu zotëron 17% të New York Times, aksionet e të cilës janë rritur shumë këtë vit.

7. Yang Huiyan

+$14.8 miliard
Të ardhurat neto: $22.8 miliard
Gruaja më e pasur në Azi, Yang Huiyan, trefishoi të ardhurat neto këtë vit falë rritjes së tregut të pasurive të paluajtshme të Kinës. Yang, që zotëron 57% të kompanisë së zhvillimit të pasurive të paluajtshme ‘Country Garden Holdings’, aksionet e të cilës u rritën me 201% në 2017, ja detyron shumicën e pasurisë babait të saj Yeung Këok Keung, i cili themeloi ‘Country Garden Holdings’ para 20 vitesh dhe e listoi kompaninë në Bursën e Aksioneve të Hong Kongut në 2007. Kompania ka nënshkruar 384 projekte globalisht dhe ka shitur 30 milion shtëpi që në vitin 1997.

8. Larry Ellison

+$13.3 miliard
Të ardhurat neto: $61 miliard

Ellison themeloi firmën e tij të programeve kompjuterike ‘Oracle’ ne 1977 dhe e ktheu në një gjigant 202 miliard dollarësh me vlerë aksionesh të larta edhe pas 40 vitesh. Nga 1 janari deri më 14 dhjetor, aksionet e Oracle u rritën 30%. Sidoqoftë, pasi tregjet u mbyllën më 14 dhjetor, Oracle raportoi se shërbimet e saj në internet kishin më pak të ardhura sesa kishin parashikuar analistët. Vlera e aksioneve u ul 4% më 15 dhjetor duke hequr 2 miliard dollarë nga pasuria e Ellison.

9. Francois Pinault & familja

+$12.5 miliard

Të ardhurat neto (që nga 14 dhjetor, 2017): $27.3 miliard
Në një mbërmje nëntori në New York, një blerës misterioz pagoi një çmim rekord 450 milion dollarë për një nga pikturat e Leonardo da Vincit, Salvator Mundi – në shtëpinë e ankandit të Francois Pinault, ‘Christie’. Shtëpia e ankandeve është një nga markat luksoze që Pinault dhe familja e tij zotëron. Nën hijen e grupit të tyre ndërkombëtar luksoz ‘Kering’, familja kontrollon një sërë markash luksoze duke përfshirë Gucci, Stella McCartney, Alexander McQueen dhe Saint Laurent. Në 2016 aksionet e kompanisë u rritën me 80% falë shitjeve të mëdha të produkteve Gucci.