Mbajtja e celularit në xhep, meshkujt rrezikojnë sterilitetin

Studimi: Sperma dëmtohet nga rrezatimi elektromagnetik dhe nxehtësia

Nga James Gallagher, BBC

Sipas kërkuesve, është e nevojshme që të kryen më shumë studime në lidhje me rreziqet që sjellin celularët tek sperma. Një mbledhje e provave, nga Universiteti Ekseter, sugjeroi se lëvizja dhe sasia e spermës haste rreziqe nga mbajtja e celularëve në xhep. Megjithatë, një shkencëtar i spermës tha se këto prova duhen analizuar ende shkencërisht. Studimi i publikuar në revistën Enviroment International, sugjeroi se rrezatimi elektromagnetik ishte shkaku. U bënë 10 studime mbi cilësinë e spermës tek 1500 meshkuj. Në këtë studim përfshiheshin testet laboratorike mbi spermën e ekspozuar ndaj rrezeve të telefonit celular. Hulumtuesja kryesore Dr. Fiona Mathews tha për BBC se një nga studimet tregoi një lidhje mes ekspozimit të rrezeve të celularëve dhe cilësisë më të dobët të spermës. Ajo shtoi: “Studimet po arrijnë në përfundimin se lëvizshmëria e spermës e ekspozuar ndaj rrezeve të telefonave celularë, ka një rënie prej 8%. Por mendoj që nuk është nevoja për panik, nëse ju e dini që keni një pjellori potenciale. Por megjithatë mund të ndryshoni vendin se ku mbani celularin”.

Ajo pranoi kritikat nga shkencëtarët e tjerë për cilësinë e provave duke thënë se është e hapur ndaj më shumë studimeve lidhur me këtë çështje. Dr Matthews arriti në përfundimin: “Kjo është interesante, por ne nuk themi që çdokush që mban një celular në xhep nuk do të jetë më pjellor”. Mbetet e paqartë mënyra se si sperma mund të dëmtohet nga celularët. Mendohet se janë rrezet elektromagnetike nga celulari që dëmtojnë ciklin e prodhimit të spermës dhe ADN-së. Një hipotezë tjetër është se nxehtësia e telefonit ndikon tek sperma. Dr. Allan Pacey, nga Universiteti i Sheffield, që merret me studimin e spermës, mbetet i pabindur, duke thënë se provat janë të pabazuara dhe nuk do të ndryshonte vendin se ku e mban telefonin. Ai tha për BBC: “Kohët e fundit po diskutohet shpesh për vendin se ku e mbajnë celularin, gjë që ndikon direkt tek pjelloria mashkullore. Gjithashtu ka pasur disa krye titujsh alarmues nëpër gazeta, por sipas mendimit tim këto studime kanë qenë disi të kufizuara, sepse nuk janë marrë parasysh kontrollet adekuate në aspekte të tjera të mënyrës së jetesës. Deri kur këto studime të bëhen do vazhdoj ta mbaj telefonin tim celular në xhepin e jashtëm të pantallonave”.