Sa herë në javë duhet të bëjmë dush?

Ka mendime dhe pikpamje të ndryshme në lidhje me faktin se sa herë në javë duhet të bëjmë dush.

Në varësi të llojit të flokut dhe lëkurës tuaj, mund t’ju kenë thënë se të laheni përditë është më mirë zgjidhja më e mirë për ju- ose e kundërta, në rast se keni një lëkurë sensitive.

Një sondazh i vitit të kaluar zbuloi se katër në pesë gra nuk lahen përditë, ndërkohë që një e treta pohoi se mund të rrinin dhe tre ditë pa bërë dush.

A po lahemi më shpesh seç duhet? A ka një numër korrekt për dushet apo banjat që duhet të bëjmë në një javë?

Sipas Prof. Stephen Shumac, President i Universitetit Dermatologjik Australasian, ju duhet të laheni vetëm atëherë kur keni nevojë.

Duke folur për Sunday Morning Herald ai tha: “Në 50 – 60 vitet e fundit të bësh dush përditë është kthyer në diçka të zakonshme. Njerëzit e bejnë më shumë këtë nga presioni i shoqërisë për të patur një aromë të mirë, dhe jo sepse kanë vertetë nevojë”.

Shumack paralajmëron se dushi i nxehtë përditë shkakton më shumë dëme se sa përfitime, pasi than lëkurën dhe heq të gjithë yndyrnën e nevojshme të lëkurës që mbron qelizat e saj, madje mund të bëhet shkaktar për viruse, krruajtje apo ekzema.