Gazetari Tomorri analizon të dhënat e INSTAT-it: 17 mijë shqiptarë mbetën të papunë tre muajt e fundit

Gazetari i ekonomisë në Top Channel, Klodian Tomori parashikon ditë të vështira për ekonominë shqiptaare. Në një statusi në ‘Facebook’, Tomorri shkruan se mbi 17 mijë shqiptarë kanë humbur vendet e tyre të punës në tre mujorin e fundit. Bazuar në të dhënat e INSTAT-it, rënia me e madhe e numrit të punësuarve ka ardhur nga sektori privat jo bujqesor, ndërsa pjesa tjeter i perket bujqesisë.

“Te gjitha rrethanat sugjerojne se ky vit do te jete kopje e 2015-es. Teshtimat kane filluar sakaq. Kolla vjen me vone, kur te nisin shkurtimet buxhetore dhe fryrja e borxhit ndaj bizneseve”, sqaron Tomori.

Statusi i plotë:

Stuhia qe po vjen

Ne tremujorin e fundit te viit te kaluar numri i te punesuarve ne ekonomi u ul me 17 mije vete. Pra 17 mije shqiptare, qe deri dje kishin nje rroge tani nuk e kane me sepse kane humbur punen e tyre.

Sipas INSTAT, renia me e madhe e numrit te punesuarve ka ardhur nga sektori privat jo bujqesor, ndersa pjesa tjeter i perket bujqesise. Keto jane te dhenat administrative, qe dalin nga listpagesat e dorezuara tek Tatimet. Shkurt treguesi me i besueshem dhe me i pamanipulueshem i punesimit

Ne janar, te ardhurat e mbledhura ne buxhet ishin 2.5 per qind me pak se sa janari i vitit te kaluar. Te dhenat paraprake sugjerojne se performanca fiskale ka qene e dobet edhe ne shkurt, teksa qeveria duket se do te filloje serish te shtrengoje rimbursimin e TVSH-se tek biznesi per te kompesuar renien e te ardhurave.

Te dy keta tregues si numri i te punesuarve ashtu dhe te ardhurat buxhetore bejne pjese ne klasen e te ashtuquajtureve “leading indicators”. Une nuk kam hasur ndonje pershtatje te ketij termi ne shqip, por leading indicators jane faktoret qe i paraprijne trajektores se ekonomise. Kur ata perkeqesohen, ekonomia i ndjek nga pas, kur leading indicators permiresiohen, rritja ekonomie shpejtohet.

Te gjithe indikatoret “spiune” sinjalizojne se me gjasa ekonomia shqiptare ka filluar te ngadalesoje qe ne tremujorin e fundit te vitit te kaluar. Por problemi eshte se ky nuk duket nje ngadalesim i perkoheshem.

Ngadalesimi ne Eurozone dhe efekti situata e renduar energjetike paralajmerojne kontraktim te ndjeshem ne ritmin e rritjes ekonomike. Te gjitha rrethanat sugjerojne se ky vit do te jete kopje e 2015-es. Teshtimat kane filluar sakaq. Kolla vjen me vone, kur te nisin shkurtimet buxhetore dhe fryrja e borxhit ndaj bizneseve.