Sa kushton maska e Admir Murataj-t?

Nëse nuk do të vritej rreth 300.m larg nga pista e avionëve në aeroportin e Rinasit, një nga imazhet që do të kapej nga kamerat e sigurisë do të ishte një maskë silikoni me një vlerë rreth 600 deri në 2000 dollarë.

Një maskë e tillë mund të blihet lehtësisht ose të porositet on-line. Këto maska gjenden në disa variante dhe krijojnë një përputhje perfekte me fytyrën, sa më vonë është tepër e vështirë për t’i shkëputur.

Siç duket, skenari i Muratajt për të lënë si kartolinë urimi për forcat e policisë përmes kamerave të sigurisë së aeroportit ishte menduar me detaje.

E para, e vetmja pikë që maska mund të linte shenjë ishin sytë, por edhe për këtë grabitësi kishte menduar mjaft mirë, pasi kishte vendosur një palë syze të errëta, që i jepnin imazhin e një portreti sa të veçantë, por edhe të kudogjendur në të njëjtën kohë.

Gjithçka ishte paramenduar mjaft mirë, me detajet e një skenari filmash, por fiks si aty, diku këmba i shkeli në dërrasë të kalbur. Mjaftuan vetëm 300 m rrugë dhe Admir Murataj u qëllua me një plumb në kokë. Loja mbaroi.

Profili i tij flet se maskat i ka përdorur edhe herë të tjera ashtu sikurse identitetet.

Por kjo mbetet një pikëpyetje e madhe dhe që ekspertët kriminalistë shqiptarë, e shohin si një rast të vështirë për t’u analizuar, meqë ata as e kanë eksperiencën për të tilla ngjarje, përveç materialeve fiction që i ka furnizuar Holliwood-i.