E dashura e Ledri Vulës

Më në fund, Ledri Vula na prezanton zyrtarisht me të dashurën e tij

Ndonëse historia e tyre e dashurisë përflitej prej kohësh në rrjetet sociale apo në mediat rozë, ata asnjëherë nuk e pranuan publikisht lidhjen e tyre! Por, nga dje ju prezantojmë zyrtarisht me çiftin më cool dhe më të ri të showbiz-it shqiptar: Ledri Vula dhe Sara Hoxha! Ata kanë pranuar kështu haptazi dashurinë e tyre duke ndarë virtualisht foton e parë si çift.

Thuhet, se reperi i njohur kosovar dhe bukuroshja Sara Hoxha kanë një histori të gjatë dashurie, të cilën mediat e kanë përcjellë shpesh përmes fotove të rrjeteve të tyre sociale në destinacionet luksoze ku kanë udhëtuar bashkarisht për pushime, por asnjëherë ata nuk e kishin pranuar si fakt.

Pas publikimit të fotos ditën e djeshme, kanë vërshuar urimet për ta nga të gjitha anët, por ajo që bie në sy janë disa prej tyre ku miqtë e përbashkët të çiftit thonë që duhet të ndodhte karantina për shkak të koronavirusit që Ledri të na prezantonte me vajzën që i ka rrëmbyer zemrën.

Neve të Podiumi.com nuk na mbetet gjë tjetër, vetëm t’i urojmë shumë lumturi Ledrit dhe Sarës!