Kush është Sorosi?

Nga Indrit Vokshi

Nga Indrit Vokshi

Meqë po merren shumë me Soros dhe na është bërë kut matës – qëndrimi për të, tregon edhe çfarë jemi. Sorosi është agjent politik amerikan. U lejua në fillimvitet ’90 të futet në vendet e Europës ish-komuniste dhe të eksportojë liberalizmin dhe shoqërinë e hapur, meqenëse ato vende, përfshi ne, ishin shoqëri të mbyllura e totalitare. E bëri ketë në emër të Amerikës dhe për llogari të Amerikës, duke përdorur institucionet e Amerikës që Amerika të rriste influencën; të kishte analistë, gazetarë, aktivistë, media, gjyqtarë, prokurorë e nënpunës .

“Jo po Sorosi nuk është Amerika” – thonë disa. E vërtet. Amerika është e madhe. Krahu republikan ultrakonservator nuk e ka fort qejf Sorosin. Mirëpo as nuk e kanë luftuar aq shumë në Europën Lindore sepse ju duhet, ngaqë ka rrjetin e influencës dhe ata skanë interes të kenë influencë konkurente të tyren, kundër Sorosit. Pse ta kenë, kujt i leverdis të investojë aq? Edhe republikanët vetë, pyesin ke kemi në atë zonë të botës? Kemi këta që mund të na shërbejnë. Ok. Pse na instaluan ne ketë lloj brandi? Pse çfarë prisnit? Prisni që Anglia psh të na eksportojë monarkinë dhe lordët? Ata i ka për vete. Prisni që të na eksportojnë partiotizmin tonë? Jo, do eksportojnë makanizmin e tyre. Kjo është bota.

Kur pyesin “a do t’i shpallë iksi luftë Sorosit”. Në vendet e vogla, ska shanse. I shkon filani në zyrë dhe i thotë: “Ti çfarë halli kishe me njeriun tonë dhe me influencat tona”? Vende si Rusia, po. Se atyre smundet tu shkojë kush në zyrë. Vende si Hungaria që e ka përzënë, po, se janë hungarezë dhe kanë pak Rusi nga mbrapa. Pra vendet e mëdha e që nuk janë shumë proamerikane, mund ta përzënë agjentin politik të Amerikës. Çoi Gruewski njerëz në Amerikë për të denoncuar ndërjyrjen e Soros. E rrëzuan duke përdorur njerëzit e Soros. Emigroi në Hungari. Sulltani emëronte dikur bejlerbeun e Rumelisë për Ballkanin. Ishte beu i bejve që qeveriste për llogari të sulltanit. Se kë emëronte sulltani stë pyeste ty. Stë pëleqnte ty emërimi? Me ushtarë osmanë të përgjigjej bejlerbeu.

Pra për të larguar Sorosin, duhet larguar Amerika. Për tu larguar Amerika, duhesh lidhur me Rusi e Kinë. Meqenëse kjo nuk ndodh e ska pse ndodh, do bashkëjetojmë me Sorosin, skemi çfarë bëjmë. Pse na kanë sjellë modelin sorosian dhe a po shkakton ky model anti-amerikanizëm? Na e kanë sjellë se aq vlejmë si shtet e vend, skemi dëshmuar se meritojmë më shumë. Dhe po, anti-amerikanizmi po shkaktohet nga ky model sepse po mbështesin një klikë të caktuar dhe po armiqësohen me pjesën tjetër.

Kështu puna e Sorosit. Ai ka për të vdekur por strukturat e tij jo, sepse sjanë të tijat.