Marrëdhëniet kanë ulje e ngritje. Ndarje dhe pajtime. E ndonjëherë kur rikthehen në krahët e njëri-tjetrit e bëjnë përgjithmonë. Historia e shoëbizit njeh plot të tillë. Nga Katy Perry e Orlando Bloom, te Jessica Biel e Justin Timberlake. Të tjerët i gjen më poshtë.

Jennifer Lopez dhe Ben Affleck janë më të freskëtit. Thuhet madje se do martohen.

Hailey Baldwin dhe Justin Bieber u ndanë, qëndruan dy vite si miq dhe pastaj u martuan.

Courteney Cox dhe Johnny McDaid u fejuan në qershor 2014. Në fund të vitit 2015, ata u ndanë për pak kohë, por dashuria e vërtetë mund të kapërcente çdo pengesë.

Gigi Hadid dhe Zayn Malik Zayn dhe Gigi filluan të shiheshin në nëntor të 2015-ës dhe pas disa kohësh lidhja e tyre u bë serioze dhe shumë romantike. Përkundër kësaj, dashuria e tyre gjithashtu duhej të duronte një ndarje të shkurtër për t’i bërë ata të kuptonin se ishin të destinuar për njëri-tjetrin. Çifti u nda në qershor të 2016-ës. Vetëm disa javë më vonë ata vendosën që marrëdhënia meritonte një shans tjetër dhe kishin plotësisht të drejtë.

Katy Perry dhe Orlando Bloom u takuan për herë të parë në një festë në 2016-ën. Ata u tërhoqën menjëherë nga njëri-tjetri. Në të njëjtin vit, këngëtarja e bëri zyrtare duke postuar një foto në Instagram ku ata kalonin kohë së bashku në Kanë. Pas 10 muajsh lidhje, Perry vendosi të ndërpresë marrëdhënien me Bloom. U desh ca kohë larg për t’i ndihmuar të kuptonin se ata e donin njëri-tjetrin. Në vitin 2017, Perry dhe Bloom filluan të shfaqeshin përsëri së bashku. Më në fund, në maj të 2018-ës, Perry konfirmoi se nuk ishte më beqare dhe më pak se një vit më vonë, ata u fejuan.

Jessica Biel dhe Justin Timberlake patën një moment kur u duhej të provonin një ndarje. Ata u takuan në një festë ditëlindjeje që Timberlake po organizonte. Pas një viti shoqërimi, në 2011-ën, çifti vendosi që duhej të ndaheshin: ‘Ishte krejtësisht e ndërsjellë dhe të dy vendosën se ishte koha të shkonin përpara’.

Rose Leslie dhe Kit Harington u takuan për herë të parë ndërsa po xhironin sezonin e dytë të Game of Thrones. Ata u miqësuan por më vonë, filluan të dilnin. Në vitin 2013, një burim konfirmoi se çifti ishte ndarë dhe Leslie filloi të dilte me një djalë tjetër. Pasi dashuria e tyre në ekran kishte mbaruar, Leslie dhe Harington vazhduan të komunikonin, por bashkimi përfundimtar ndodhi në vitin 2014. Megjithëse Harington mohoi që dilnin, njerëzit i panë së bashku. Në prill të 2016-ës, çifti doli publikisht bashkë.

Kristen Bell dhe Dax Shepard janë bashkë për më shumë se 12 vjet. Por e besoni apo jo, ata u ndanë pas 3 muaj lidhje, sepse ai donte të dilte me të tjera. Nuk iu desh shumë kohë për të kuptuar se bëri gabim dhe Shepard u kthye tek Bell disa ditë më vonë.

Catherine Zeta-Jones dhe Michael Douglas u takuan për herë të parë më shumë se 23 vjet më parë. Diferenca 25-vjeçare në moshën e tyre nuk ishte kurrë një problem për ta. Gjithçka shkoi mirë dhe ata u martuan shpejt. Në 2013-ën, u ndanë pas 13 vitesh martesë për të marrë ca kohë larg njëri-tjetrit dhe për të vlerësuar martesën e tyre. E gjetën rrugën e kthimit për të qenë të lumtur së bashku.

Behati Prinsloo dhe Adam Levine u panë për herë të parë bashkë në qershor të 2012-ës ndërsa ishin me pushime në Hawaii. Në maj, Levine dhe Prinsloo u ndanë, por kuptuan që ishin bërë për njëri-tjetrin. Tani janë prindër të dy fëmijëve.

*Artikulli i Bright Side