Demokratët duket se nuk do të ndalen në revoltën e tyre, kundër kreut të Partisë Demokratike, Lulzim Basha.

Në fakt, edhe vetë ky i fundit e ka pranuar se 80% e bazës së PD është kundër tij, por vijon të mbajë vulën e partisë.

Gjatë ditëve të fundit, ish-kryeministri Sali Berisha ka zhvilluar takime me demokratët në Tiranë, Fier, në Vlorë, Durrës dhe në Shkodër, ku duket qartë mbështetja dhe entuziazmi që kanë demokratët, për rikthimin e Opozitës dhe bashkimin e së djathtës.

Por, përtej revoltës që është dukur qartë në takimet që Sali Berisha ka zhvilluar në qytete të ndryshme të Shqipërisë, demokratët vijojnë të shprehin revoltën e tyre kundër Bashës edhe në rrjetet sociale.

Së fundi, Lulzim Basha ka publikuar në faqen e tij në rrjetet sociale, një video të një deklarate për mediat, ku vijon me të njëjtat retorika, duke thënë se “25 prilli ishte masakër zgjedhore”, e të tjera si këto që ai tenton ti përdorë si alibi për të justifikuar dështimin e tij.

Por, ajo që vihet re, është se demokratët nuk i besojnë më Bashës dhe kanë shpërthyer në komente kundër tij.

“Sali Berisha për të bërë ty kryetar bashkie bëri koalicion dhe me partinë komuniste apo harrove o besëprere, ti je turpi i PD o kryetari në ikje!”-shkruan një qytetar.

Një tjetër qytetar shkruan “Ti je një humbës dhe zhgënjimi më i madh në të gjithë historinë e Partise Demokratike. Turp që del dhe flet.”.

Gjithashtu një qytetar shkruan “Edhe kto vota që i ke marr i ke marr nga Sali Berisha tani je i humbur pa diskutim unë jam demokrat por jo si veprove largove gjithë Demokratët me largimin e Sali Berishës”.

Më poshtë disa nga komentet e qytetarëve në faqen e Lulzim Bashës, në rrjetet sociale.